«Senimen Bolashaq» Almatyda

Almatyda «Senimen Bolashaq» Respýblıkalyq ata-analar qoǵamdyq birlestiginiń uıymdastyrýymen «Ata-ana – ulttyń uıasy» atty respýblıkalyq forým ótti.

Bala tárbıesi – bir otbasynyń ǵana emes qoǵamnyń mindeti ekenin tanytatyn aýqymdy basqosýǵa elimizdiń túkpir-túkpirinen ata-analar, qoǵam qaıratkerlerimen qosa QR Parlamenti Senatynyń depýtaty Dana Nurjigit,  QR Parlamenti Májilisiniń depýtattary Saıasat Nurbek, Lázzat Ramazanova, Irına Smırnova jáne Almaty qalasynyń ákiminiń orynbasary Ásem Núsipova, Almaty qalasy Bilim basqarmasy basshysynyń orynbasary Qaırat Jumanov qatysty.

Al forýmnyń basty qonaǵy belgili pedagog ǵalym, gýmandy pedagogıkanyń negizin qalaýshy akademık Shalva Aleksandrovıch Amonashvılı men psıhologııa ǵylymdarynyń doktory, professor Paata Shalvovıch Amonashvılı boldy.

Shara barysynda Shalva Amonashvılı balanyń jeke basyn baǵalaý júıesi týraly adamgershilik qatynasqa negizdelgen pedagogıkalyq ádisteme-ustanymdarymen bólisti.

Forýmnyń ashylý saltanatynda sóz sóılegen QR Parlamenti Senatynyń depýtaty Dana Nurjigit qoǵamda sanaly ata-ana mádenıetin qalyptastyrýdy maqsat etken «Senimen Bolashaq» RQB jumysyna sáttilik tiledi. О́skeleń urpaqty eńbekke, ultshyldyqqa tárbıelep, ulttyq qundylyqtarymyz ben salt-dástúrimizdi nasıhattaýdyń mańyzyna toqtaldy.

«Ata-analar sanaly urpaqty birge tárbıelep bolashaǵymyzdy jarqyn etý, tek bizdiń qolymyzda» – dedi Dana Nurjigit.

«Senimen Bolashaq» RQB-nyń negizin qalaýshy Núrken Asanov birlestikti qurýdaǵy negizgi maqsatyn aıtyp, uıymnyń búginge deıin atqarǵan jumystaryna toqtaldy.

«Bizdiń maqsat – árbir ata-anany jaqsy orta tárbıeleýge biriktirý. Bala men ata-ana arasynda tyǵyz ári shynaıy qarym-qatynas bolsa, ondaı balaǵa qoǵam áser ete almaıdy. Sondyqtan árbir ata-ana qoǵamdy jaqsartýǵa úles qosqan kezde ǵana tárbıeli orta qalyptasady» – dep atap ótti Núrken Asanov.

QR Parlamenti Májilisiniń depýtattary Saıasat Nurbek «Jańa mamandyqtardyń atlasy» taqyrybynda sóz qozǵap, mamandyqty durys tańdaý men eńbek naryǵyn túsiný týralyoılarymen bólisti. Bala bolashaǵy úshin mańyzdy sheshimniń biri – mamandyq tańdaý taqyrybynda sóz qozǵaǵan QR Parlamenti məjilisiniń depýtaty eńbek naryǵynda jańadan paıda bolatyn jáne 5-10 jyldan keıin de suranysyn joımaıtyn mamandyq túrin aıtty.

Shara barasynyda qoǵamda ata-ana mádenıetin qalyptastyrý, balany jan-jaqty damytý úshin ata-analardyń psıhologııalyq-pedagogıkalyq saýattylyǵyn arttyrý, otbasy qundylyqtaryn nasıhattaý, bala quqyǵy, bilimi, densaýlyǵy, qaýipsizdigi taqyrybyndaǵy máseleler qozǵaldy.

Plenarlyq otyrystan keıin ata-analar men ustazdar trenıngterge qatysyp, bala tárbıesindegi ata-ana jaýapkershiligi, ata-ana men bala qarym-qatynasy, bala psıhologııasy taqyrybynda dárister tyńdady.