Garvardtaǵy qazaq tarıhshysy: Ulytaýda Oǵyz Han ýnıversıtetin qurý – tarıhı jańǵyrý

Garvard ýnıversıteti Ferbank zertteý ortalyǵynyń zertteýshisi, tarıhshy, kartograf, professor Nurlan Kenjeahmet "Ulytaýda Oǵyz Han ýnıversıtetin nemese murajaıyn ashý – tarıhı jańǵyrý bolady" dep esepteıdi. Bul týraly tarıhshy óz Facebook paraqshasynda jarııalady.

"Ábilǵazy Bahadur hannyń (1603-1664) deregi boıynsha, Ulytaýdyń kóne aty Ortaǵ, ol Oǵyzhannyń ata-mekeni; Kishitaýdyń kóne aty Qurtaǵ. Ortaǵ taýy Rashıd ad-Dın (1247-1318) men Ala ad-dın Ata Malık ıbn Mýhammed Djýveınıde (1226 — 1283) de kezigedi. Sondyqtan qazaq eli úshin oǵyzdar da, qypshaqtar da qazaqtardyń tike ata-babasy bolyp sanalady. Ulytaýda Oǵyz Han ýnıversıtetin nemese murajaıyn ashý tarıhı jańǵyrý bolyp tabylady. Budan kóp nársege ıe bolamyz. Oǵyz Han Joshy Hanǵa jalǵasady. Ulytaý Uluǵ-taǵ degen atpen taıaý zamanǵy kartalarda jıi kezigedi. Jetisý da tarıhı ataý. Abaı obylysy da keremet qoıylǵan" dep jazdy álemdik jetekshi bilim ordasyndaǵy qazaq zertteýshisi.