Bolat Jámishev "Qazaqstan halqyna" qoryn basqarady

"Qazaqstan halqyna" qoǵamdyq áleýmettik qorynyń basshysy bolyp Bolat Jámishev taǵaıyndaldy.

Qordyń Qamqorshylyq keńesi "Qazaqstan halqyna" qoǵamdyq áleýmettik qorynyń tóraǵasy qyzmetine biraýyzdan Bolat Jámishevtiń kandıdatýrasyn usynyp, qoldady.

Prezıdent Qasym-Jomart Toqaev eldegi  qaltaly azamattardy jańa ashylǵan qorǵa aqsha salýǵa shaqyrǵan.

"Qazaqstan halqyna" qory tómendegideı mindetter atqarady:

• densaýlyq saqtaý, bilim berý jáne áleýmettik qoldaý, mádenıet jáne sport salalarynda memlekettik qoldaý sharalarynan tys qosymsha qamtamasyz etý máseleleri boıynsha Qazaqstan halqyna qaıyrymdylyq kómek kórsetý;
• tótenshe jaǵdaılar kezinde jáne tótenshe jaǵdaı rejımi engizilgende zardap shekken halyqqa kómek kórsetý;
• halyqtyń áleýmettik osal toptarynan muqtaj balalar men balalar úshin sporttyq ınfraqurylymnyń damýyna jáne onyń qoljetimdiligin arttyrýǵa járdemdesý;
• Qazaqstannyń aýmaqtyq tutastyǵy men qaýipsizdigin qorǵaý kezinde qaza tapqan quqyq qorǵaý organdary, arnaıy organdar qyzmetkerleriniń, áskerı qyzmetshilerdiń otbasylaryn qoldaý;
• Qor qyzmetiniń ózge basym baǵyttary boıynsha qaıyrymdylyq kómek kórsetý.

Qor halyqaralyq qaıyrymdylyq uıymdarynyń qarajaty, lotereıa qyzmeti operatory jáne basqa da monopolısterdiń mindetti aýdarymdary, iri bıznes tarapynan turaqty aýdarym men kvazımemlekettik sektorǵa arnalǵan qarajattan qarjylandyrylady.

Bolat Jámishev – Qazaqstan bamý banki, Qarjy mınıstrligi, О́ńirlik damý mınıstrligin basqarǵan. Sondaı-aq ol Qarjy naryǵyn jáne qarjy uıymdaryn retteý men qadaǵalaý agenttiginiń tóraǵasy bolǵan 2004-2006 jyldar).