• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 03:40:36
Almaty
-6°

Foto: Alekseı Azarov/azattyq.org

О́z ótinishimen májilis depýtaty retindegi ókilettigin toqtatqan Bekbolat Tileýhan jańadan baratyn qyzmet orny – Búkilálemdik etnosport konfederasııasy (WEC) nemen aınalysatyny belgili boldy. Eks-depýtat onda vıse-prezıdent bolyp taǵaıyndalǵan. Bul týraly konfederasııa baspasóz qyzmeti habarlady.
 
Baspasóz qyzmetiniń málimetinshe, halyqaralyq uıymnyń shtab-páteri Túrkııanyń Ystambul qalasynda ornalasqan. Ony Túrkııa prezıdenti Rejep Taıyp Erdoǵannyń uly Bilál Erdoǵan basqarady. Uıymǵa Qazaqstan 2019 jyly alǵashqy tolyqqandy múshesi retinde qabyldanǵan. Qazirgi ýaqytta uıymǵa álemniń kóptegen etnosport federasııalary múshe.
 
"Bekbolat Qanaıuly ótken jyldan beri konfederasııanyń Ortalyq Azııa komıtetine jetekshilik etip keledi. Atap óteıik, 2022 jyly IV Kóshpendiler oıyndary Túrkııanyń Býrsa qalasynda ótedi dep josparlanǵan. Búgin Qaýymdastyq prezıdenti óz ótinishi negizinde depýtattyq ókilettiligin toqtatyp, parlament májilisiniń depýtattyq mandatyn merziminen buryn tapsyrdy" delingen ulttyq sport qaýymdastyǵy baspasóz qyzmeti taratqan habarlamada.
"Qamshy" silteıdi
Ilmek sózder: Bekbolat Tileýhan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir