• USD 470.9

  • EUR 496.94

  • RUB 8.83

  • CNY 70.33

25 Maýsym, 04:33:53
Almaty
+15°

Ulybrıtanııa men AQSh-taǵy rohındja bosqyndary Facebook-ti sotqa berip, áleýmettik jeli alpaýytyn "bizge qarsy óshpendilik sózderdiń taralýyna jol berdi" dep aıyptady.

Olar "Facebook platformalary qýdalanǵan azshylyqqa qarsy zorlyq-zombylyqty nasıhattady" dep málimdep, 150 mıllıard dollardan astam ótemaqy talap etýde.

2017 jyly býddıster basym Mıanmadaǵy áskerı qýǵyn-súrgin kezinde shamamen 10 myń rohındja musylmany qaza tapqan.

Facebook aıyptaýlarǵa birden jaýap bermedi.

Kompanııa "óshpendilik pen qaýipti jalǵan aqparattyń jyldar boıy taralýyna múmkindik berdi" dep aıyptalýda.

Birikken Koroldikte bosqyndardy qorǵaıtyn zań fırmasy Facebook-ke hat jazdy. "Facebook algorıtmderi rohındja halqyna qarsy óshpendilik sózderdi kúsheıtti", "Kompanııa rohındjalarǵa qarsy zorlyq-zombylyqqa shaqyrǵan jazbalardy óshire almady nemese akkaýnttardy óshire almady", "Qaıyrymdylyq uıymdary men buqaralyq aqparat quraldarynyń eskertýlerine qaramastan, kompanııa tıisti jáne ýaqytyly shara qoldana almady" degen sııaqty ýájder keltirilgen.

Facebook 2018 jyly da zorlyq-zombylyq pen óshpendilik týdyrýdyń aldyn alý úshin jetkilikti áreket jasamaǵanyn moıyndaǵan.

Sonymen qatar Facebook platformasy adam quqyqtaryn buzý áreketteriniń taralýyna qolaıly orta jasaǵany týraly táýelsiz baıandama jasady.

Rohındjalar Mıanmadaǵy zańsyz mıgranttar retinde qarastyrylady. Olar ondaǵan jyldar boıy úkimet pen qoǵam tarapynan kemsitýshilikke ushyrady.

2017 jyly rohındja sodyrlary polısııa beketterine qandy shabýyl jasaǵannan keıin Mıanma áskerıleri Rakhaın shtatynda zorlyq-zombylyq sharalaryn bastaǵan.

Mundaı shabýyl kezinde myńdaǵan adam qaza taýyp, 700 myńnan astam rohındja kórshiles Bangladeshke qashqan. Sondaı-aq qaqtyǵys barysynda adam quqyqtarynyń buzylǵany, onyń ishinde adamdardy óltirý, zorlaý jáne órteý sııaqty faktiler keńinen taraǵan.

"Qamshy" silteıdi
Ilmek sózder: Facebook

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir