04 Jeltoqsan, 2021 Almaty oblysy
Foto: Almaty oblysy ákiminiń baspasóz qyzmeti
«QazAvtoJol» UK» AQ Almaty oblystyq fılıalynyń dırektory Bolatbek Aıtbaevtyń habarlamasyn tyńdaǵannan keıin Qanat Bozymbaev óziniń birqatar usynystaryn bildirdi. Almaty – Bishkek jolynyń «Altyn orta» bazary tusyndaǵy ýchaskesi asfalttyń tómengi jabyny tóselgen, ıaǵnı tegis emes qalpymen ýaqytsha paıdalanýǵa beriletin bolady. Bul rette oblys ákimi joldy bir aıdyń ishinde iske qosýdy, al asfalttyń ústińgi sońǵy jabynyn kóktemde tósep bitirýdi tapsyrdy. Osyǵan baılanysty Qanat Bozymbaev fılıal basshysyna bul jóninde halyqqa keńinen túsindirý kerektigin eskertti. Sol sııaqty BAKAD qıylysyna deıingi jol bóligin 5 jolaqty etýdi qarastyrýdy usyndy.
Sonymen birge osy kezdesý barysynda Qanat Aldabergenulyna BAKAD qurylysyna qatysty jobalar da tanystyryldy. Osy oraıda oblys ákimi aldaǵy ýaqytta osy joba qurylysyna qatysty tapsyrys berýshiler men merdiger uıymdardyń ókilderi jáne Ile, Jambyl, Talǵar aýdandary ákimderiniń qatysýymen jıyn ótkizip, jol máselesi keńinen talqylanatyn aıtty.
Budan ári «Kagazy Recycling» JShS-nyń óndiriste paıdalanylǵan qaldyq sýlarynyń jınaqtalýynan mańaıǵa jaıylyp, ásirese «Asyl Arman» turǵyn úı kesheni turǵyndaryn mazalap otyrǵan jaǵymsyz ıisti boldyrmaý máselesi de talqylandy. Mekeme ókili kúnine 1800 tekshe metr sý paıdalanylatynyn jáne tazartý qurylǵysy ornatylǵanymen, paıdalanylǵan sýdyń 40 paıyzy qaıta qoldanylyp, al 60 paıyzy shyǵaryndy bolyp otyrǵanyn aıtty. Oblys ákiminiń aıtýynsha, búgingi HHI ǵasyrda zamanaýı tehnologııa ónidiriste qoldanǵan sýdy tolyǵymen qaıta tazartyp, paıdalanýǵa múmkindik beredi.
- Sýdy qajetti deńgeıde, sapaly kólemde tazartatyn quraldar satyp alyńyzdar. Árıne, mundaı ozyq tehnologııany engizý úlken qarjyny talap etýi múmkin. Bul úshin kásiporynǵa jergilikti organ tarapynan qandaı qoldaý kerek? Áli de bul máseleni jan-jaqty zertteıik. Qalaı degende de turǵyndar úshin bul máseleni tıimdi sheshýimiz kerek, - dedi Q.Bozymbaev.
Saparynyń sońynda oblys ákimi «Antıgen» ǵylymı-óndiristik kásipornynda bolyp, onyń vaksına óndirý isindegi jańalyqtarymen tanysty. Mekeme dırektory Nurlan Ahmetsadyqovtyń aıtýynsha, 1998 jyldan veterınarııa salasy baǵytynda jumysyn bastaǵan kásiporyn sońǵy bir-eki jyl kóleminde medısınaǵa bet burǵan. Bıyl "QazVac" vaksınasyn quıý men jańa jelini iske qosýǵa arnalǵan qural-jabdyqtardy memleket qarajatynan satyp alǵan, oǵan «Jetisý» ÁKK arqyly jergilikti bıýdjetten 420 mln. teńge bólindi. 2021 jylǵy tamyz aıynda zaýyt "QazVac" vaksınasyn quıýǵa arnalǵan jelini testilik rejımde iske qosty, 300 myń dozaǵa arnalǵan 3 valıdasııalyq serııa ázirlendi. Qural-jabdyqtar Germanııa, Italııa, Qytaıdan jetkizildi. Endi koronavırýstan basqa 4 túrli syrqatqa qarsy vaksına óndirý jobasyn usynyp otyr. Mekemeniń óndiris prosesimen tanysqan oblys ákimi Qanat Bozymbaev birlesip jumys isteýge nıetti ekenin aıtty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir