• USD 425.02

  • EUR 450.1

  • RUB 7.17

  • CNY 63.75

22 Mamyr, 16:56:28
Almaty
+12°

Almaty oblysynyń ákimi Qanat Bozymbaev óńirlerge saparyn Qarasaı aýdanynda jalǵastyrdy. Munda ınfraqurylymdyq, ónerkásiptik, áleýmettik-mádenı nysandardy aralap, problemalyq máselelerdiń sheshilý joldaryn talqylady, dep habarlady Almaty oblysy ákiminiń baspasóz qyzmeti.

Oblys ákimi eń birinshi Qaskeleń toptyq sý qubyry qurylysynyń jobasymen tanysty. Oǵan respýblıkalyq bıýdjetten 12 mlrd. teńge bólingen. Nysan Qaskeleń qalasymen qatar 18 eldi mekendi aýyz sýmen úzdiksiz qamtı alady.

Búgingi kúni jobanyń I kezeginiń 1-shi iske qosý kesheni tolyǵymen aıaqtalǵan. Bas sý qoımasynan Qaskeleńge deıin sý tazartý stansasy arqyly qubyr tartylǵan. Sonyń arqasynda turǵyndar sapaly aýyz sýǵa qol jetkizetin bolady. Qazirgi kezde qujattardy tirkeý jumystary júrip jatyr. Sondaı-aq 2 jáne 3-shi iske qosý kesheni jobasynyń aıasynda magıstraldy sý qubyry men jetkizý jelileri qurylysynyń jobasy memlekettik saraptamadan ótkizilýde. Munan keıin eldi mekender ishine rezervýarlar men sorǵy stansalary ornatylatyn bolady.

Foto: Almaty oblysy ákiminiń baspasóz qyzmeti

– Qarasaı aýdanynyń, sonyń ishinde Almaty qalasy mańyndaǵy eldi mekenderdiń de sýmen qamtý máselesin aldaǵy eki-úsh jyl kóleminde sheshýimiz kerek. Bul – basymdyq beretin mindet. Baý-baqsha sýarýda másele týyndamaý úshin aryq júıelerin de retke keltirýimiz kerek. Bul máseleni sheshýge aýdan ákimdigi qazirden kirisýi tıis, – dedi Qanat Bozymbaev.

Munan soń Qanat Bozymbaev Qazaqstan Respýblıkasy Tuńǵysh Prezıdentiniń «Atameken» tarıhı-mádenı ortalyǵyn aralap, odan ári «Úshqońyr» dene shynyqtyrý-saýyqtyrý keshenine keldi.

Sport kesheni holynda oblys ákimine 2018 jyly bekitilgen Almaty oblysy aýmaǵynyń qala qurylystyq josparlaýynyń keshendi syzbasy men Qaskeleń qalasynyń bas jospary tanystyryldy. Josparlar jaıyn «Ýrbostıl» JShS jetekshisi Lıýbov Nysanbaeva baıandady.

- Almatyǵa jaqyn jatqan aýdandardy tıimdi damytý úshin jumystyń negizgi prınsıpterin Almaty qalasy ákimdigimen kelisip atqarýymyz kerek. Birlesip sheshetin máseleler óte kóp. Qaskeleń qalasynyń bas josparyna keletin bolsaq, ony iske asyrý úshin ınyvestorlar tartqan jón. 2022 jylǵa egjeı-tegjeıli jospar daıyndaý kerek. Qaskeleńniń úlgili qala bolýǵa barlyq múmkindigi bar. Onyń ústine kólik ınfraqurylymyn damytý jumystary bastaldy, - dep atap ótti Q.Bozymbaev.

Osy jerde «Altyn orda» saýda-logıstıkalyq kesheniniń egjeı-tegjeıli jobasy, sol sııaqty Tuńǵysh Prezıdent saıabaǵy qurylysynyń jospary da kórsetildi. Tuńǵysh Prezıdent saıabaǵynyń jobasyn júzege asyrýdy baqylaý tapsyryldy. Aldymen jer ýchaskesi belgilenip, odan keıin naqty jobasy daıyndala bastaýy tıis.

Sporttyq keshenniń ishin aralap, barlyq materıaldyq-tehnıkalyq múmkindikterimen tanysqannan soń Qanat Bozymbaev Qarasaı, Jambyl, Ile aýdandarynyń balalary úshin sport  ınternatyn salý jobasyn daıyndaýdy tapsyrdy.

- Sport kesheninde buqaralyq sportty damytýǵa, jastardy salamatty ómir saltyna tartýǵa barlyq jaǵdaı jasalǵan. Sport ınternattary Taldyqorǵan qalasy men Alakól aýdanynda bar. Biraq Almaty mańyndaǵy aýdandarda joq, al Taldyqorǵanǵa barý balalar úshin alys. Sondyqtan Qarasaı aýdanynda sport ınternatyn salý týraly naqty usynys engizińizder, - dedi oblys ákimi.

Budan ári oblys basshysy Qaskeleńdegi aýdandyq aýrýhananyń juqpaly aýrýlar bólimine bardy. Mundaǵy indetpen kúres sharalarynyń qalaı atqaryp jatqanyna nazar aýdardy. Ǵımarat kúrdeli jóndeýdi qajet etedi, bir korpýsy 1990 jyldary salynǵan, al qalǵan bóligi 1936 jyly turǵyzylǵan. Jaýapty tulǵalardyń aıtýynsha, seısmıkalyq kúsheıtý jumystary men kúrdeli jóndeý jasaý josparlanýda. Sonymen qatar osy kezdesýde qazirgi epıdemıologııalyq jaǵdaıdy eskere otyryp, aýrýhananyń bir bólimi emes, óz aldyna bólek ınfeksııalyq aýrýhana bolýy úshin tósek oryn sanyn arttyrý, qosalqy japsarjaı salý týraly da sóz boldy.

Osy saparda Qanat Bozymbaev aýdandaǵy irgeli kásiporyndardyń biri, kondıterlik ónimder shyǵaratyn «Hamle» JShS-ǵa bardy. Munda jylyna 14 myń tonna daıyn ónim shyǵarylady. Assortımentte pechene, vaflı, vaflı torttary, shokolad ónimderi sııaqty 80-nen astam ónim túrleri bar. Daıyn ónimniń 40% eksportqa shyǵarylady. Kásiporynda 900 adam eńbek etedi. Zaýyt jyl saıyn kondıterlik ónimder úshin 4 mlrd. teńgege otandyq shıkizat satyp alady.

Zaýyttyń óndiris prosesimen, daıyn ónim túrlerimen tanysqan oblys ákimi Qanat Bozymbaev kásiporynnyń damý barysy jaıly surap bildi. Áńgimelesý barysynda tamaq ónerkásibi salasyndaǵy mamandardyń jetispeıtini aıtyldy.

Oblys ákimi aýdan ákimdigine óńirdegi kolledjder men zaýyt arasynda yntymaqtastyq ornatýǵa yqpal etýdi tapsyryp, dýaldy oqytý negizinde kadr máselesin sheshýge bolatynyn aıtty.

– Kolledj mamandar daıyndap beredi, al sizder olardy taǵylymdamadan ótkizesizder. Sóıtip ózara birlesip jaqsy mamandar daıyndap, jumys ornymen qamtısyzdar, – dedi Qanat Bozymbaev.

Sapar barysynda oblys basshysy óńir aktıvimen kezdesý ótkizip, aımaqtyń damýy jáne týyndaǵan problemalardy sheshý joldaryn talqylady.

Aktıv jıyny barysynda aldymen aýdan ákimi Jandarbek Dalabaev óńirdiń ótken 10 aıdaǵy damý qorytyndylary týraly qysqasha habarlap, aldaǵy josparlaryna toqtaldy.

Baıandama aıaqtalǵan soń oblys ákimi bıyl aýdanda náreste ólimi faktilerine, azyq-túlik óndirisiniń aıtarlyqtaı tómendeýine, áleýmettik sıpattaǵy qylmystyń artýyna jol berilgenin atap ótip, jaǵdaıdy jyldam túzeý kerektigin eskertti.

Keńesti qorytyndylaı kele, joǵaryda aıtylǵan kemshilikterdi eskere otyryp aýdan ákimine jáne aýdannyń atqarýshy organdaryna birqatar naqty tapsyrmalar berdi. Munda basty basymdyq Prezıdenttiń Joldaýyndaǵy mindetterge jáne memlekettik baǵdarlamalardyń sapaly oryndalýyna beriletin bolady.

– Qarasaı aýdany – oblys ekonomıkasyn damytýdaǵy mańyzdy óńirlerdiń biri. Onyń ústine Almatynyń irgesinde ornalasqan, bul damý múmkindikterine keńinen jol ashady. Soǵan qaramastan óńirde aýyz sý sapasyn jaqsartý, gaz, elektrmen jabdyqtaý, jol ınfraqurylymdaryna baılanysty birqatar máseleler bar. Halyq tyǵyz ornalasqan bul aýdanda osy máselelerdi aldaǵy 2-3 jylda sheshýimiz kerek jáne bul Qarasaı aýdanynyń jergilikti atqarýshy organynyń basty baǵyty bolýy tıis. Aýdanǵa ınvestısııa tartý jumystaryn jalǵastyryńyzdar. Bıýdjet shyǵyndaryn azaıtý úshin memlekettik-jekemenshik áriptestiktiń áleýetin, ásirese mektepter men balabaqshalar salýda kóbirek paıdalaný kerek. Jańa jumys oryndaryn kóptep ashý, sonyń ishinde kóp balaly otbasylar úshin jumys oryndaryn qurýǵa erekshe nazar aýdarýymyz kerek. Áleýmettik mańyzdy azyq-túliktiń, kommýnaldyq qyzmet tarıfi baǵasynyń negizsiz ósýine jol bermeńizder. Jylytý maýsymy úzdiksiz ótýi tıis. Turǵyndardyń aryz-shaǵymdaryna ýaqytynda mán berip otyryńyzdar. Qylmysty boldyrmaý maqsatynda aldyn alý jumystaryn uıymdastyrýdy tapsyramyn. Aýdan halqynyń ál-aýqatyn arttyrý, ekonomıkanyń turaqty ósimin saqtaý, sondaı-aq halyqtyń usynys-pikirlerin júzege asyrý jóninde is-sharalardy qolǵa alý kerek, – dedi Qanat Bozymbaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir