• USD 424.85

  • EUR 504.21

  • RUB 5.84

  • CNY 65.86

22 Qańtar, 10:38:36
Almaty
-4°

Baıden pen Pýtın/Foto: Reuters

Aq úı baspasóz hatshysy Djen Psakı 7 jeltoqsan kúni AQSh prezıdenti Djo Baıden men Reseı prezıdenti Vladımır Pýtın áńgimelesetinin málim etti.

"Prezıdent kishi Djozef R. Baıden 2021 jylǵy 7 jeltoqsanda qorǵalǵan vıdeoqońyraý arqyly Reseı prezıdenti Vladımır Pýtınmen sóılesedi. Memleket basshylary AQSh pen Reseıge qatysty birneshe máseleni talqylaıdy. Olardyń qatarynda strategııalyq turaqtylyq, kıberqaýipsizdik, aımaqtyq máseleler bar. Prezıdent Baıden AQSh Ýkraına shekarasy mańyndaǵy Reseıdiń áskerı qımyldaryna alańdaýshylyq bildirip, Ýkraınanyń aýmaqtyq tutastyǵy men egemendigin qoldaıtynyn jetkizdi" delingen aqparattyq habarlamada.

Sońǵy ýaqytta Reseıdiń Ýkraına mańyna áskerin úıip-tógip, doq kórsetýi jıilep ketti. Máskeý sońǵy aptalarda Ýkraına shekarasyna ondaǵan myń jaýynger shoǵyrlandyryp, úlken jattyǵýǵa kiristi. Buǵan NATO alańdaýshylyq bildirip, óz kezeginde áskeri men qarý-jaraǵyn Ýkraınaǵa ornalastyryp qoıdy.

Ázirge eki taraptyń áreketteri bir-birine aıbat kórsetýmen shektelip otyr.

AQSh memlekettik hatshysy Antonıı Blınken Reseıdiń Ýkraınaǵa qarsy agressıvti qadamdar  josparlap otyrǵany qatty alańdatatynyn aıtyp, Reseıge áskerı kúshterin Ýkraına shekarasynan alyp ketýdi talap etetinderin jetkizdi. Sondaı-aq ol eger Reseı Ýkraınaǵa basyp kiretin bolsa, úlken qun tóleıtinin málim etti.

Al Reseı NATO-nyń shyǵysqa qaraı keńeıýi Máskeýdiń negizgi qaýipsizdik múddelerine qater tóndirgenin aıtyp, muny "qyzyl syzyq" dep baǵalaıtynyn, jaǵdaı jalǵasa berse, oǵan qatań jaýap beriletinin málimdedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir