NATO armııasy Reseı shekarasyna jaqyn jerde jınaldy

NATO armııasy Reseı shekarasyna jaqyn jerde jınaldy. Sarapshylar bul – alıanstyń Máskeý áskerı manevrlerine jaýaby ekenin aıtady.

NATO-nyń bas hatshysy Iens Stoltenberg Reseıdiń Ýkraına shekarasyna ásker toptaýy "arandatý jáne túsiniksiz" ekenin aıtty. "Bul – shıelenisti arttyrady jáne qate esepteýler qaýpin tóndiredi" dedi. Ol sondaı-aq "Ýkraınaǵa qarsy kez kelgen kúsh qoldanýdyń saldary Reseı úshin shyǵyn bolatynyn" eskertti.

Stoltenberg Reseı kúshteri, ásirese, tankter, artıllerııa, bronetransporterler, ushqyshsyz ushaqtar jáne elektrondyq ushaqtar sııaqty aýyr tehnıkalar aımaqta úlken jáne erekshe shoǵyrlanyp jatqanyn aıtty. 

Polsha prezıdenti Andjeı Dýda Belarýs shekara máselesi men Ýkraına shekarasyndaǵy Máskeý kúshteriniń kóbeıýin bólek qarastyrýǵa bolmaıtynyn aıtty. Dýda NATO shtab-páterine baryp "áýe polısııasy mıssııasyn kúsheıtýdi, alıanstyń shyǵys qaptalyndaǵy NATO bólimsheleriniń baqylaýyn, qadaǵalaýyn jáne daıyndyǵyn kúsheıtýdi" surady.

Al Ulybrıtanııa soǵys ushaqtaryn tasymaldaýshy toptyń Twitter paraqshasynda "Odaqtastarymyz jáne seriktesterimizben birge operasııa kezeńin bastaý úshin Qara teńizge kirdik" dep jarııalandy.

AQSh Memlekettik hatshysynyń Eýropa jáne Eýrazııa isteri boıynsha kómekshisi Karen Donfrıd "Barlyq nusqalar ústel ústinde jáne endi NATO qandaı qadamdar jasaǵysy keletinin alıans sheshýi kerek" dedi.