• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:50:47
Almaty

Foto: Shymkent qalasy ákiminiń baspasóz qyzmeti

Shymkent qalasynyń kásipkerlik jáne ındýstrıaldy-ınnovasııalyq damý basqarmasynyń basshysy B.Dúısebekov @akimat_shymkent ınstagram paraqshasyndaǵy tikeleı efırde atqarylǵan jumystar boıynsha esep berdi.

Basqarma basshysy negizgi jumys baǵyttary – ónerkásipti damytý jáne jańa jumys oryndaryn ashý, ınvestısııalar tartý jáne bıznesti memlekettik qoldaý boıynsha jumystardyń barysyna toqtalyp ótti.
Tikeleı efır barysynda turǵyndar tarapynan qaıtarymsyz granttar berý, memlekettik qoldaý sharalary baǵytynda, jalpy 40-qa jýyq saýaldar qoıyldy. B.Dúısebekov barlyq saýaldarǵa jaýap berip, aldaǵy josparlardan habardar etti.

Qalada 2021 jyldyń 1 qazandaǵy jaǵdaı boıynsha ónerkásip salasynda 718 kásiporyn belsendi jumys isteýde: 26 iri jáne 44 orta kásiporyndar. Onda 32,3 myńnan astam adam jumyspen qamtylǵan.
О́nerkásip óniminiń kólemi 2021 jyldyń qańtar-qyrkúıek aılarynda 632,5 mlrd teńgeni qurap, 2020 jyldyń tıisti kezeńimen salystyrǵanda 108,9 mlrd teńgege artty. Jyl sońyna deıin bul kórsetkish 710,0 mlrd teńgege jetedi dep boljanýda.
О́ńdeý ónerkásibinde jıhaz óndirý (124,6 %), hımııa ónerkásibi (131,9 %), mashına jasaý (159,8 %), daıyn metall buıymdaryn óndirý (127,0 %), negizgi farmasevtıkalyq ónimder (102,5 %), sýsyndar óndirý (111,0 %), munaı óńdeý ónimderi (106,8%) salalarynda ónim kólemi artqan.

2021 jyldyń qańtar-qazan aılarynyń qorytyndysy boıynsha qala ekonomıkasyna 325,2 mlrd teńge ınvestısııa tartylyp, ótken jyldyń tıisti kezeńimen salystyrǵanda 41,2 %-ǵa artty. 2021 jyly jalpy quny 152,6 mlrd teńge 63 ınvestısııalyq jobany (2,5 myń jańa jumys orny) iske asyrý josparlanǵan. Búginde 63 mlrd teńgege 33 joba júzege asyryldy.
Jalpy kásipkerlikti qoldaý kartasy aıasynda 2021 jyly qala aýmaǵynda 14 mlrd teńgege 8 joba iske qosylyp, onda 450-den astam jumys orny quryldy. QR Táýelsizdiginiń 30 jyldyq mereıtoıy qarsańynda 1,3 mlrd teńgege taǵy 5 joba (115 jańa jumys orny) iske qosylady.

Sonymen qatar, bıyl «Bıznestiń jol kartasy-2025» memlekettik baǵdarlamasy sheńberinde 7 804,4 mln teńgege 1 946 jobaǵa qoldaý kórsetildi. «Men kásipker bolamyn» áıelder men jastar kásipkerligi boıynsha 10,0 mln teńgege deıin 1%-dyq shaǵyn nesıeler berý qarastyrylǵan. Bul maqsatqa jergilikti bıýdjetten 1 060,0 mln teńge qarjy bólindi.

"Qamshy" silteıdi
Ilmek sózder: Shymkent ónerkásip

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir