• USD 433.3

  • EUR 464.19

  • RUB 6.48

  • CNY 64.56

28 Mamyr, 03:55:29
Almaty
+17°

Foto: Mańǵystaý oblysy ákiminiń baspasóz qyzmeti

Mańǵystaý oblysynyń Qaraqııa aýdanyna qarasty Munaıshy aýylyndaǵy mekteptiń 4-synybynda oqıtyn Marǵulan Jumajan turmys qaldyqtarynan jaryq sham jasap shyǵardy. Bul týraly Qaraqııa aýdany ákimdiginiń baspasóz qyzmeti habarlady. Mekteptegi «Jasulan» uıymynyń 10 jyldyǵyna oraı uıymdastyrylǵan sharada Marǵulannyń bul jumysy úzdik dep tanylǵan. Foto

-«Ústel shyraǵyn jasaý kezinde isten shyqqan velosıpedimniń dóńgelegin paıdalandym. Bul jumysty jasaýǵa qarapaıym ári qoljetimdi nárseler kerek. Olar jelim, toqyma aq jip, eski jaryq shamnyń toǵy jáne shar. Ústel shyraǵyn kez-kelgen sátte qoldanýǵa bolady. Máselen, sabaq oqyǵanda jáne túnde úıdi jaryqtandyrý úshin paıdalanýǵa bolady», - dedi Marǵulan Jumajan.

Marǵulannyń synyp jetekshisi Gúljan Jańbyrovanyń aıtýynsha, shákirti alǵyr, oqýda belsendi, berilgen tapsyrmany muqııat ári uqypty oryndaıdy.

-«Jasulan uıymynyń 10 jyldyǵyna oraı 4-synyp oqýshylaryna turmys qaldyqtarynan buıym jasaý tapsyryldy. Árkim óz qalaýy boıynsha erekshe dúnıeler daıyndaǵan. Eń úzdik dep tanylǵandardyń birin mektebimizdiń áleýmettik jelidegi resmı paraqshalaryna jarııaladyq. Marǵulan tapsyrmany muqııat oryndap, jumys prosesin tolyqtaı vıdeoǵa túsirgen. Shákirtimniń bolashaǵynan úmitim kóp», - dedi Gúljan Jańbyrova.

Jas ǵalym Marǵulan Jumajan osy baǵytta basqa da jobalarmen aınalysýdy josparlap otyr.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir