Foto: Vıktor Kotochıgovtyń áleýmettik paraqshasynan
Qazaqstandyq kásipqoı boksshy Vıktor Kotochıgovqa Anglııada shabýyl jasaldy. Belgisiz bireýler onyń ústine qyshqylǵa uqsas suıyqtyq quıyp jibergen. Bul týraly ol óziniń áleýmettik jelidegi paraqshasynda habarlady.
Oqıǵa saldarynan sportshynyń denesin kúıik shalǵan.
– Anglııadaǵy jarys men úshin sátsiz boldy. Qysqasha aıtsam, men 11 jeltoqsanǵa josparlanǵan jekpe-jekke daıyndalý úshin Anglııaǵa ushyp keldim. Bólme jaldap, jattyǵýdy bastadym. Tórt kún ótti. Bir kúni túnde úıde uıyqtap jatqanda, esik artynan shý estildi, bireýler qulypty ashýǵa tyrysyp jatty. Ornymnan turyp, qolyma pyshaq almaqshy boldym. Biraq ashanada shanyshqy men qasyq qana boldy. Esik ashylyp, adamdar basa-kóktep kirip keldi, báriniń basynda kapıýshon. Olar menimen tóbelesýdi josparlamaǵan sııaqty, óıtkeni ústime qyshqylǵa uqsaıtyn zatty quıyp jiberip, qashyp ketti, – dedi Vıktor.
Sodan boksshy birden bapkerine habar bergen. Jattyqtyrýshy sportshyny aýrýhanaǵa aparǵan. Ol kúıikpen birneshe kúndi aýrýhanada ótkizgen.
– Men eshkimmen janjaldasqan joqpyn. Bul kimge kerek bolǵanyn túsinbedim. Endi jarystarǵa tek tekserilgen jerge barý kerektigin túsindim, – dedi ol.
Posmotret etý pýblıkasııý v Instagram
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir