• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:54:44
Almaty

Foto: Vasılıı Fedosenko/REUTERS

Facebook áleýmettik jelisine ıelik etetin "Meta" ("Facebook") kompanııasynyń Azııa-Tynyq muhıty aımaǵy boıynsha О́ńirlik keńsesiniń kommýnıkasııalar jónindegi dırektory Ben MakKonehı Qazaqstan úkimetiniń áleýmettik jelidegi kontentti habarlaý júıesine eksklıýzıvti túrde qol jetkizgenin teristedi.

Qazaqstan Respýblıkasy Aqparat jáne qoǵamdyq damý mınıstrliginiń saıtynda keshe, 1 qarashada mınıstlik pen Facebook ınternettegi balalardyń quqyqtaryn qorǵaýǵa basa nazar aýdara otyryp, zııandy kontentke qarsy is-qımyl máseleleri boıynsha tyǵyz yntymaqtastyq týraly kelisimge kelgeni habarlanǵan.

Mınıstrlik málimdeme Facebook-pen birlesip jasalyp otyrǵanyn, ishki "Kontentti habarlaý júıesine" ("Content Reporting System" (CRS)) tikeleı eksklıýzıvti qoljetimdilik berilgenin, bul ulttyq zańnamanyń buzýshylyqtary bar kontent týraly jedel habarlaýǵa múmkindik beretinin jazǵan.

Alaıda Ben Makkonagı agenttigine joldaǵan hatta Facebook Qazaqstan úkimetimen birlesken málimdeme jasamaǵany, Qazaqstan málimdemeni talqylaý negizinde jasaǵany aıtylady.

 

"Biz olarǵa (Qazaqstan úkimetine - red) jergilikti zańnamany buzatyn kontenttiń mazmunyn shekteý týraly úkimet suraýlaryn qarastyrý boıynsha jahandyq prosessti bastaǵanymyzdy aıttyq" degen ol mundaı prosess tek mınıstrlik málimdegendeı Qazaqstan úshin jasalǵan eksklıýzıv shara emes, búkil álem úkimetine arnalǵanyn atap ótti.

 

Aqparat jáne qoǵamdyq damý mınıstri Aıda Balaeva Facebook-tyń birlesken málimdemeni teristeýine baılanysty pikir bildirip, "negizgi kelissózder Gonkong qalasynda ornalasqan Qytaı, Mońǵolııa jáne Ortalyq Azııa óńiri boıynsha "Meta" ("Facebook") kompanııasynyń óńirlik ofısimen júrgizilgenin, 1 qarashada jarııalanǵan birikken málimdemeniń mátini men onyń BAQ-da jarnııalanýy atalǵan aımaqtyq keńseniń basshylyǵymen tolyqtaı kelisilgenin" atap ótti.

Reuters sondaı-aq Qazaqstan parlamenti qyrkúıekte bıliktiń aryz-shaǵymyn qarastyrý úshin áleýmettik jeli men habar almasatyn qosymshalar Qazaqstanda keńselerin ashyp, jetekshi taǵaıyndamasa, úkimetke olardy buǵattaýǵa múmkindik beretin zań jobasyn ("Balalar quqyǵyn qorǵaý máseleleri jónindegi keıbir zańnamalyq aktilerge ózgerister men tolyqtyrýlar engizý" týraly zań) ázirleýdi bastaǵanyn eske saldy.

 

Zań jobasyn ázirleýshilerdiń biri depýtat Aıdos Sarym, dúısenbide zań tehnologııa alpaýyttarymen kelissóz júrgizýge jol ashqanyn, endigide Qazaqstan bıligi zań erejelerin jeńildetýge ázir ekenin málimdegen.

Zańnamany synaýshylar jańa ereje senzýra men bıliktiń áleýmettik jelidegi baqylaýyn kúsheıtedi dep sanaıdy. Al zań jobasyn daıyndaǵandar bul sharalar kıberqorlaý men ózge qaýipti kontenttiń taralýyna jol bermeýge múmkindik beretinin aıtady.

Zań jobasy búginde májiliste maquldanyp, senat qaraýynda jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir