Foto: Shymkent qalasy ákiminiń baspasóz qyzmeti
Abaı aýdanyna qarasty Táýelsizdikke 20 jyl turǵyn alabyn elektr qýatymen qamtý maqsatynda qurylys jumystary osy jyldyń shilde aıynda bastalǵan bolatyn. Búginde merdiger mekeme «Altyn Konstrakshn» JShS tarapynan qurylys jumystarynyń 55 paıyzy aıaqtaldy.
Jospar boıynsha qurylys jumystary tolyǵymen jyl sońyna deıin aıaqtalady dep kútilýde. Sodan keıin «OńtústikJaryqTranzıt» JShS-men ár úıge jeke esep shot ashyp, elektr qýatyna qosý jumystary júrgiziledi.
Nátıjesinde turǵyn alaptaǵy 812 turǵyn úı sapaly elektr qýatymen qamtylady.
Bıyl Shymkentte 7 eldimekenniń elektr máselesi sheshiledi. 21,3 myńǵa jýyq adam sapaly elektr qýatymen qamtylyp, qala turǵyndaryn sapaly elektr qýatymen qamtý kórsetkishi 97%-ǵa jetedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir