• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 19:23:42
Almaty
-3°

Foto: Shymkent qalasy ákiminiń baspasóz qyzmeti

Shymkent qalasyna «Elim úshin egilemin» atty azamattyq shtabtyń ókilderi keldi. Atap aıtqanda, Qazaqstan zańgerler odaǵynyń Nur-Sultan qalasyndaǵy fılıalynyń tóraǵasy, azamattyq shtab múshesi Serik Berkamalov pen sanıtarlyq-epıdemıologııalyq baqylaý komıtetiniń resmı ókili Erjan Baıtanaev qaladaǵy Oqýshylar saraıynda mektep dırektorlary jáne muǵalimdermen kezdesti.

Aıta keteıik, bul shtab bıylǵy tamyz aıynda qurylǵan. Azamattyq shtabtyń maqsaty – halyqqa vaksına qabyldaý sharasynyń mán-mańyzyn túsindirip, eldi ekpe týraly jalǵan aqparattardan aýlaq bolyp, resmı aqparatqa ǵana senip, máseleniń aq-qarasyn ajyrata bilýge úndeý.

Búkil elimizdiń pandemııaǵa deıingi qalypty ómirge oralýynyń jalǵyz joly vaksınasııalaý. Búginde Shymkentte azamattardyń basym bóligi ekpe qabyldap úlgerdi. Alaıda aldymyzda revaksınasııa naýqany tur. Ekpe qabyldaǵanyna 9 aı tolǵan azamattar endigi jerde ınaktıvtelgen vaksınany qabyldaýy tıis. Oǵan qosa búginde el Úkimeti Pfizer vaksınasyn óndirýshilermen kelissóz júrgizip jatyr. Aldaǵy ýaqytta elimizge ekpeniń osy túri kelse, júkti áıelder men oqýshylar vaksınalanýy múmkin, – dedi E.Baıtanaev.

Onyń aıtýynsha, ekpe 12-17 jas aralyǵyndaǵy balalarǵa ata-anasynyń kelisimimen ǵana salynady. Ata-anasy ekpeden bas tartqan jaǵdaıda oqýshyny eshkim májbúrlep vaksınalamaıdy. Ekpe salǵyzbaǵan oqýshylar sabaqtan shettetilmeıdi.

Qala berdi vaksınasııalaý mektep qabyrǵasynda júrgizilmeıdi. Bul vaksınany balasyna salǵyzǵysy kelgen ata-analar arnaıy bekitilgen emhanaǵa balasyn ertip barýy tıis. Ekpe sol jerde ata-ananyń jáne dárigerdiń baqylaýymen ǵana salynady. Sondyqtan, «balama mektepte menim kelisimimsiz vaksına salyp jibermeı me» dep qorqýdyń qajeti joq, – dedi shtab ókili.

Sondaı-aq, ol áleýmettik jelilerde «12 jasqa tolmaǵan balalar da vaksınasııalanady» degen aqparat taraǵanyn, biraq, munyń shyndyqqa janaspaıtynyn da atap ótti.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir