"Vırtýaldy shyndyq". Facebook-tyń jańa jobasy týraly ne belgili?

Facebook óziniń korporatıvtik ataýyn "Meta" dep ózgertti. О́zgerister korporasııanyń Facebook, Instagram jáne Whatsapp sııaqty jeke platformalaryna qatysty emes, tek olarǵa ıelik etetin bas kompanııaǵa ǵana qatysty.

Metavers jáne Vırtýaldy shyndyq (VSh)

"Meta" sózi grektiń "arǵy" degen sózinen shyqqan.

Kompanııa vırtýaldy shyndyq sııaqty salalar týraly josparyn jarııalady.

Facebook basshysy Mark Sýkerberg "metavers" degen jańa ataýdy qoldanyp, adamdar vırtýaldy ortada oıyn oınaı alatyn, jumys isteı alatyn jáne sóılese alatyn vırtýaldy onlaın álemdi qurý josparyn jarııalady.

Aýtsaıderler úshin metavers vırtýaldy shyndyq nusqasy sııaqty kórinýi múmkin, biraq keıbir adamdar "bul ınternettiń bolashaǵy bolýy múmkin" dep sanaıdy.

Kompıýtermen salystyrǵanda, metaverstegi adamdar vırtýaldy álemge kirý úshin garnıtýrany paıdalanady.

Sýkerberg qazirgi brend "bolashaq bylaı tursyn, búgin jasap jatqanymyzdyń barlyǵyn kórsete almaıdy" dedi jáne ony ózgertý kerektigin málimdedi.

"Ýaqyt óte kele, biz metaversti kompanııa retinde qalyptasamyz dep úmittenemin. Qazir biz bıznesimizdi eki túrli segment retinde qarastyryp, esep berip jatyrmyz, biri qoldanylmaly jumysqa arnalǵan, ekinshisi bolashaq platformalardaǵy jumysymyz úshin. Sonymen qatar osynyń bir bóligi retinde biz jasaıtyn barlyq nárseni qamtıtyn, ózimizdiń kim ekenimizdi jáne neni qurýǵa úmittenetinimizdi kórsetetin jańa kompanııa brendin qabyldaýdyń ýaqyty keldi" dedi Sýkerberg.

Sondaı-aq kompanııa Kalıfornııa shtaty Menlo Park shtab-páterindegi bas barmaq joǵary kóterilgen "Unatý" logotıpin kók sheksizdik pishinine aýystyrǵan jańa belgini ashty.

Aqparatqa sáıkes, vırtýaldy álem barlyq salalarda qoldanylýy yqtımal. Jumys, oıyn, konsertter, dostarmen jáne otbasymen aralasýǵa deıin, is júzinde kez kelgen nárse úshin vertýaldy shyndyq paıdalanýǵa bolady.

Facebook 1 jeltoqsannan bastap "MVRS" dep atalatyn jańa aksııa kody boıynsha óz aksııalaryn satýdy bastaýǵa nıetti ekenin de málimdedi.

Jarııalanǵan "ishki qujattar" týraly daý 

Buǵan deıin kompanııanyń bedeline nuqsan keletin aqparattar jarııalanǵan. "The Washington Post" gazeti Facebook pandemııa kezinde saıasatkerlerden mańyzdy aqparat jasyrǵanyn habarlady. Gazettiń aqparatynsha, kompanııa vaksına týraly jalǵan aqparattardy jasyrǵan. 

Facebook-tyń burynǵy qyzmetkeri Frensıs Haýgen kompanııanyń ishki qujattaryn jarııalap, Facebook-ke qatysty jaǵymsyz oqıǵalardy málimdegen.

Haýgen "kompanııa paıdany qaýipsizdikten joǵary qoıady" dep jarııalady. Bul – onyń BAQ-qa taratqan "ishki qujattar týraly oqıǵalar serııasynyń" sońǵysy boldy.

Aqparatqa sáıkes, jasóspirimderdiń psıhıkalyq densaýlyǵyna Instagram-nyń  zııan keltiretini týraly zertteýler bolǵan jáne Facebook AQSh-tan tys platformalarynan óshpendilik sózderin joıýǵa tyrysyp, zertteýler jasaǵan.

Sarapshylar ne deıdi?

Sarapshylar Sýkerbergtyń bul qadamy nazardy Facebook-tyń aınalasyndaǵy jaǵymsyz oqıǵalardan basqa jaqqa aýdarý ekenin aıtady.

Synshylar "Facebook brendiniń jaǵymsyz ımıdji qalyptasyp bara jatqan soń, osylaı jasaldy" dep sanaıdy. Keıbireýler bul qadamdy "kosmetıkalyq ózgeris" dep sıpattady.

Keıbir sarapshylar "Metavers áli joq. Sýkerberg onyń uzaq merzimdi ónim ekenin basa aıtty. Sondyqtan sizdiń negizgi usynysyńyzǵa múldem qatysy joq ataý bolýy múmkin. Facebook tabysynyń barlyǵy derlik Facebook pen Instagram jarnamasynan túsedi" deıdi.

Aıta keteıik, buǵan deıin de basqa ǵalamdyq teh-kompanııalar atyn ózgertkenin jarııalaǵan. Degenmen, kórnekti ózgeris bolmady. Mysaly, Google  ataýyn 2015 jyly "Alphabet"-ke ózgertti. Alaıda, Google-dyń atyn eshkim de "Alphabet" dep atamaıdy.