• USD 424.85

  • EUR 504.21

  • RUB 5.84

  • CNY 65.86

18 Qazan, 04:29:08
Almaty
+3°

Májilis qylmystyq kodekske ólim jazasy máseleleri boıynsha ózgerister men tolyqtyrý engizý týraly zań jobasyn birinshi oqylymda maquldady. 

– Gýmanızm jasaýdyń mańyzdy bir qadamy – ólim jazasyn joıý. Osyny negizge ala otyryp Qazaqstan árbir adamnyń ómir súrý quqyǵyn jáne ólim jazasyn satyly túrde joıý baǵytyn qolǵa aldy. 2005 jyly azamattyq jáne saıası quqyqtar týraly paktige ratıfıkasııa jasady. Osy pakttiń 6-babyna sáıkes, ólim jazasy tek qana aıryqsha aýyr qylmys jasaǵany úshin zańǵa sáıkes taǵaıyndalýy múmkin. Qazaqstan 2006 jyly EO "О́lim jazasyn joıý týraly" úndeýine qosyldy, 2007 jyly BUU О́lim jazasyna moratorıı engizý týraly rezolıýsııasyn qoldady. Osynyń aıasynda ólim jazasyn qoldaný satylaı azaıyp keledi, – dedi bas prokýrorynyń orynbasary Áset Shyndalıev.

Onyń aıtýynsha, táýelsizdiktiń alǵashqy jyldary ólim jazasy 26 asa aýyr qylmys úshin taǵaıyndalǵan. Bul jaza 1997 jylǵy qylmystyq kodekstiń 18 babynda ǵna qaldy. Al 2014 jyly Qylmystyq kodekstiń 17 babynda saqtaldy.

Qazaqstan "О́lim jazasyn joıý týraly" úndeýge qosylýyna baılanysty ólim jazasyna balama retinde ómir boıy bas bostandyǵynan aıyrý jazasy kózdelgen. Sottar ólim jazasyn nemese balama jazany qylmystyq aýyrlyǵyn, sottalýshynyń jeke basyn jáne onyń qylmys saldaryna qarym-qatynasyn eskerip taǵaıyndaıdy. 

Búginde bul jaza qylmystyq kodekstiń 4 babynda saqtalyp otyr.

• Basqynshylyq soǵysty tutandyrý jáne júrgizý (160-baby 2-bóligi);

• Jappaı qyryp-joıý qarýyn qoldaný (163-baby, 2-bóligi);

• Áskerı tutqyndar men azamattyq turǵyndardy óltirý arqyly soǵys zańdary men dástúrin buzý (164-baby, 2-bólimi.);

• Soǵys ýaqytynda jasalǵan genosıd (168-baby, 2-bóligi).

"Qamshy" silteıdi
Ilmek sózder: О́lim Jazasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir