Ilon Mask Qytaıdaǵy problemanyń álemge yqpal etetinine alańdaýly ekenin aıtty

Tesla jáne SpaceX kompanııasynyń bas atqarýshy dırektory Ilon Mask Qytaıdaǵy elektr energııasynyń jetispeýshiligi jahandyq haos týdyrýy múmkin ekenin eskertti. Ol
Qytaıdyń kúsheıip kele jatqan energetıka daǵdarysyna alańdaýshylyq bildirdi.

Sarapshylar "energııanyń jetispeýi jahandyq jetkizilim tizbeginiń turaqtylyǵyna qaýip tóndiredi" dep eskertedi.

Qytaı qazir kómir baǵasynyń ósýine baılanysty energetıkalyq daǵdarystyń bel ortasynda tur. Elde parnıktik shyǵaryndylarǵa baqylaýdyń kúsheıýi jáne provınsııalarda energııany durys paıdalanbaý haosty odan ári kúsheıtip, úıler, kásiporyndar men zaýyttar jaryqsyz qaldy.

Tehnologııalyq ımperııasy Qytaıdaǵy óndirýshilerdiń úzdiksiz jumysyna súıenetin Ilon Mask energetıkalyq daǵdarystyń áserin sezip úlgergen.

Elektr qýatynyń toqtaýy mıllıarderdiń elektromobılder shyǵaratyn Tesla kompanııasyna qatysty birqatar zaýyttardaǵy óndiristi toqtatty.

Szıansý provınsııasynyń Kýnshan qalasyndaǵy "Eson Precision Engineering" kompanııasy óndiristik jelini ýaqytsha toqtatýǵa májbúr boldy.

Keıbir sarapshylar "alda aýyr qarjylyq apat kútip tur" dep alańdaýly. Mamandar Qytaıdyń ekonomıkalyq ósýiniń toqtap qalýy saldarynan qarjylyq quldyraý bolýy yqtımal dep boljaıdy.

Mysaly, "Nomura" toby óziniń ósý boljamdaryn 8,2 paıyzdan 7,7 paıyzǵa deıin qysqartty.

Bunyń yqpaly Qytaıdyń ózine ǵana emes, Tesla men Apple sııaqty tehnologııalyq alpaýyttarǵa tıedi dep kútilýde.

Ilon Mask tvıtterde "Bul óte mańyzdy problema" dep jazdy.

Dúısenbi kúni Qytaıdyń soltústik-shyǵysyndaǵy Heılýnszıan, Szılın jáne Lıaonın provınsııalarynda jergilikti buqaralyq aqparat quraldary elektr energııasynyń "kútpegen jáne buryn-sońdy bolmaǵan" úzilisi bolǵanyn habarlaǵan.

Qytaıdyń memlekettik "Global Times" gazetiniń jazýynsha, bul úzilister "adamdardyń kúndelikti ómiri men kásipkerlik operasııalardyń aýqymdy buzylýyna ákeldi".

Qytaı sheneýnikteri óndirýshiler men fabrıkalardy elektr energııasyn tutynýdy shekteýge shaqyrdy.

Lıaonın provınsııasynyń ortalyǵy Shenıanda haos ornap, elektr energııasynyń kenetten toqtaýy baǵdarshamnyń isten shyǵýyna ákelip soqty.

Al, "Goldman Sachs" sııaqty AQSh qarjylyq alpaýyttary Qytaı týraly ósý boljamdaryn ózgertti.

"Goldman Sachs" sarapshylary Qytaıdyń ónerkásiptik qyzmetinde 44 paıyzǵa deıin haos boldy dep esepteıdi.