"100 paıyz tegin oqý". Toǵjanov stýdentterge qatysty málimdeme jasady

Qazaqstanda 9-synyptan keıin kolledjge oqýǵa túsken balalar úshin oqý tegin bolady. Bul týraly premer-mınıstriń orynbasary Eraly Toǵjanov málimdedi.

 – Kolledjderde oqýǵa nıet bildirgen 9-shy synyp túlekterin 100 paıyzǵa tegin oqýmen qamtý josparlanýda. Jyl saıyn 9-shy synyptan keıin 30 myń bala kolledjderde aqyly negizde oqýda.

Olardyń birazy qarjylyq qıyndyqtaryna baılanysty kolledjderdi oqýyn bitirmesten tastap ketetin jaǵdaılar da joq emes. Sondyqtan jastardy, onyń ishinde ásirese az qamtylǵan otbasydan shyqqan balalardy qoldaý maqsatynda oqýǵa nıet bildirgen barlyq 9-synyp túlekterine kolledjderde tegin bilim alýǵa múmkindik jasalatyn bolady, –  dedi premer-mınıstriń orynbasary.