Ǵaryshker Aıdyn Aıymbetov jańa qyzmetke taǵaıyndaldy

"Kompanııa Dırektorlar keńesiniń sheshimimen Aıymbetov Aıdyn Aqanuly «Qazaqstan Ǵarysh Sapary» UK» AQ Basqarmasynyń tóraǵasy laýazymyna taǵaıyndaldy" delingen aqparattyq habarlamada.

 

Aıdyn Aıymbetov 1972 jyly Taldyqorǵan oblysynda dúnıege kelgen.

QR Áskerı-áýe kúshteri qatarynda ushqysh-jaýynger jáne áýe komandıri retinde qyzmet atqardy. 2015 jylǵy qyrkúıekte «Soıýz TMA-18M» ǵarysh kemesiniń bortınjeneri retinde Halyqaralyq ǵarysh stansııasyna ushty.

Qazaqstan Respýblıkasynyń kvazımemlekettik jáne memlekettik sektorlarynda basshylyq laýazymdarynda jumys atqardy:

2009-2010 jj. –  QR Ulttyq ǵarysh agenttigi Tóraǵasynyń keńesshisi;

2010-2011 jj. –  QR UǴA Ǵarysh qyzmetin damytý departamentiniń dırektory;

2011-2014 jj. – «UǴZTO» AQ «Sultanǵazın atyndaǵy ǵaryshtyq zertteýler ınstıtýty» EJShS Ǵaryshtyq tehnologııalardy aqparattyq-oqytýshylyq qamtamasyz etý basqarma basshysynyń orynbasary;

2014-2016 jj. –  «UǴZTO» AQ «Ǵaryshtyq tehnıka jáne tehnologııalar ınstıtýty» EJShS dırektorynyń orynbasary;

2016-2019 jj. –  «Qazaqstan Ǵarysh Sapary» UK» AQ Ǵarysh júıelerin jasaý jáne paıdalaný jónindegi Vıse-prezıdenti.

2019-2021 jj. – «Qazaqstan Ǵarysh Sapary» UK» AQ Basqarma tóraǵasynyń orynbasary-О́ndiris jónindegi Basqarma múshesi.