Burynǵy qarjy vıse-mınıstri 4 jylǵa sottaldy

Burynǵy qarjy vıse-mınıstri Rýslan Eńsebaev para aldy degen kúdikpen 4 jylǵa bas bostandyǵynan aıyryldy. Bul týraly Nur-Sultan qalasynyń Esil aýdandyq  №2 soty habarlady. 

Ensebaev (Qarjy mınıstrliginiń burynǵy vıse-mınıstri) Baıbosynov pen Buharbaıdan sıfrlandyrý jobalaryn aqparattyq súıemeldeý boıynsha qyzmet kórsetýdi satyp alý konkýrsynda «Al-Farabı Partners» JShS-niń jeńip shyǵýy úshin 1,2  mln. teńge para alǵan.

Sottalýshylardyń kinási kýálardyń aıǵaqtarymen, bank shottary túbirshekterimen dáleldendi.

– Sot Rýslan Eńsebaevty qylmystyq kodeksiniń 366-baby 2-bóligi (Para alý) boıynsha kózdelgen qylmystyq quqyq buzýshylyq jasaǵany úshin kináli dep tanydy. Osy bap boıynsha ony 4 jyl merzimge bas bostandyǵynan aıyrý jazasy taǵaıyndaldy. Sonymen qatar ol memlekettik qyzmette, sotta, jergilikti ózin-ózi basqarý organynda, ulttyq bankte, qarjy naryǵy men qarjy uıymyn baqylaý jáne qadaǵalaý jónindegi ýákiletti organda, memlekettik uıymdar men kvazımemlekettik sektorda ómir boıyna qyzmet etý quqyǵynan aıyryldy.

Al para bergen Baıbosynov pen Buharbaıǵa zańmen qarastyrylǵan eń tómen merzimi  7 jyl bas bostandyǵynan aıyrý jazasy taǵaıyndaldy,– dedi№2 aýdandyq sotynyń sýdıasy Baqytjan Esenov.

Sottalýshylar úkimniń jarııalanýynan keıin qamaýǵa alyndy. Barlyq sottalýshylar memlekettik qyzmette laýazym atqarý quqyǵynan ómir boıyna aıyryldy.

Aıta óteıik, Rýslan Eńsebaev Aldyn "Ulttyq aqparattyq tehnologııalar" AQ, "Qazaqtelekom" AQ, "Zerde" ulttyq ınfokommýnıkasııa holdıngi" AQ, "Qazatomónerkásip" ulttyq atom kompanııasy" 2017 jyldyń maýsym aıynan bastap "Zerde" UIH" AQ basqarma tóraǵasy laýazymynda qyzmet etken.

Al 2018 jyly ol qarjy vıse-mınıstri bolyp taǵaıyndalǵan edi.