09 Qyrkúıek, 2021 Álem
Foto: Syrtqy ister mınıstrligi
Búgin Aýǵanstannan 35 etnıkalyq qazaq elge oraldy. Bul týraly, syrtqy ister mınıstrliginiń resmı saıty habarlady.
Mınıstrlik málimetinshe, arnaıy ushaqpen Kabýldan Almaty qalasynyń áýejaıyna 41 jolaýshy ushyp kelgen. Olardyń ishinde Qazaqstannyń 4 azamaty, Qyrǵyzstannyń 1 azamaty jáne Qazaqstanda turaqty turatyn 1 aýǵan bar. Kelgen jolaýshylar karantınnen ótý úshin ýaqytsha oqshaýlanady.
– Evakýasııalyq reısti uıymdastyrý "Talıban" qozǵalysymen úılestirilip júzege asyryldy. Qazaqstannyń Kabýldaǵy Elshiligi qalypty rejımde jumys isteıdi jáne Aýǵanstanda turatyn qandastarmen turaqty baılanysta. О́tinish berýshilerdiń etnıkalyq sáıkestigin rastaý jáne qandastardy qaıtarý jumystary jalǵasýda, – dep habarlady vedomstvo.
18 tamyzda Qazaqstan Aýǵanstannan óziniń 25 azamatyn jáne Qyrǵyzstan, Reseı men Lıtvanyń 16 azamatyn evakýasııalaǵan.
Budan basqa, Almatyǵa Kabýldan Aýǵanstanǵa kómek kórsetý jónindegi BUU Mıssııasy (UNAMA) jáne basqa da halyqaralyq uıymdardyń keńseleri ýaqytsha kóshirilgen edi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir