• USD 424.85

  • EUR 504.21

  • RUB 5.84

  • CNY 65.86

27 Qarasha, 14:55:29
Almaty

Bas prokýratýra qazaqstandyq banktiń azamattardan nesıeleri men qaryzdary boıynsha qarajatty negizsiz ustaý faktilerin anyqtaǵanyn habarlady.

Eńbek kodeksinde (115-bap) jáne ″Qazaqstan Respýblıkasynda zeınetaqymen qamsyzdandyrý týraly″ Zańynda (23-bap) tıesili jalaqy men zeınetaqy somasynyń 50%-nan astamyn óndirip alýǵa tyıym salynǵan.

Alaıda bankter ("Kaspi Bank", "Eýrazııalyq bank», "Qazaqstan Halyq banki", "Hoým Kredıt end Fınans Bank" AQ) azamattardyń shottaryndaǵy aqshalaı qarajattaryn bekitilgen tyıymnan joǵary kólemde esepten shyǵarǵan.

– Bul problema bankter aqshalaı qarajattyń banktik shotqa túskenge deıin júrgizilgen atqarýshylyq is júrgizý boıynsha ustaýlardan habardar bolmaýynyń saldarynan bolyp otyr. Osyndaı áreketterdiń nátıjesinde qaryz alýshylar ózderiniń jalǵyz tabys kózinen zańsyz aıyrylǵan. Bul halyqtyń narazylyǵyn týdyrýda, – dep málimdedi bas prokýratýra.

Bas prokýratýranyń usynýy boıynsha Qarjy naryǵyn retteý jáne damytý agenttigi atalǵan problemany tómendegi sharalardy qabyldaý arqyly sheshken.

  • klıenttiń ótinishi negizinde bankter jáne sot oryndaýshylary artyq tólengen somany 5 jumys kúni ishinde qaıtarý algorıtmi qoldanysqa engizildi;
  • Qazaqstan bankteriniń bazasy atqarýshylyq is júrgizý organdarynyń avtomattandyrylǵan aqparattyq júıesimen ıntegrasııalanǵan.

Zańsyz óndirip alý faktileri bolǵan jaǵdaıda azamattar Qarjy naryǵyn retteý jáne damytý agenttigine, onyń aýmaqtyq bólimshelerine nemese prokýratýraǵa shaǵymdana alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir