Depýtattar Jeltoqsan oqıǵasyna aıryqsha statýs berý máselesin kóterdi

"Aq jol" demokratııalyq partııasy Jeltoqsan oqıǵasynyń 35 jyldyǵy qarsańynda "Jeltoqsan kóterilisin – ult azattyq kóterilis retinde taný" máselesin kóterdi.

Vıse-premer Eraly Toǵjanovqa joldanǵan depýtattyq saýalda Jeltoqsan oqıǵasy kezinde qaza tapqan Lázzat Asanova, Erbol Sypataev, Sábıra Muhamedjanovalarǵa "Halyq Qaharmany" ataǵyn berýdi usyndy.

Budan bólek partııa depýtattary tómendegideı birneshe naqty sharalar tizbegin usyndy.

1. 1986 jylǵy 17-18 jeltoqsandaǵy Keńestik qyzyl ımperııaǵa qarsy shyqqan Jeltoqsan kóterilisi – ult azattyq kóterilis retinde tanylyp, baǵalanýy qajet.

Jeltoqsandyqtarǵa "Jeltoqsan kóterilisine qatysýshy" quqyqtyq mártebesi berilýi kerek.

2. Qazaqstan Prezıdenti Q.Toqaev elimizdegi aıryqsha ataýly kúnder qatarynda ataǵan Jeltoqsan kóterilisiniń 35 jyldyǵy resmı deńgeıde atap ótilýi kerek.
3. Jappaı saıası qýǵyn-súrginder qurbandaryn aqtaý týraly zańǵa Jeltoqsan kóterilisine qatysýshylardy qoldap, kótermeleıtin arnaıy ózgeris engizilýi kerek.
4. Jeltoqsan kóterilisine qatysyp, oqýdan, jumystan shyǵyp qalǵanyn áli rastaı almaı júrgen azamattardy "Jeltoqsan kóterilisine qatysýshy" retinde tanýda qoldan jasalǵan qaptaǵan kedergilerdi joıyp, anyqtama alýdy jeńildetý kerek.
5. Azattyqtyń alǵashqy qarlyǵashtary – Jeltoqsan qaharmandarynyń azamattyq erligi laıyqty baǵasyn alyp, josparly túrde nasıhattalýy tıis. Jastarymyzǵa patrıottyq tárbıe berý úshin oqýlyqtarda jetkilikti jazylýy qajet.

Qazaqstan qalalarynda Jeltoqsan qaharmandaryna arnalǵan alańdar ashylyp, monýmentter ornatylýy tıis.