Shymkentte sút óndirisi damýda

Shymkent qalasynda sút óndirý baǵyty men asyl tuqymdy mal sharýashylyǵyn damytý maqsatynda 349 bas saýyndy sıyrdy quraıtyn úsh taýarly-sút fermasy ashyldy. Onyń ishinde «Korno-1» О́K jańadan ashylǵan bolsa, «Egamnazarov» JK men «Zertas» ShQ sút fermasyn ulǵaıtyp otyr.

Megapolıste júzege asqan bul jobalarǵa jalpy quny 0,8 mıllıard teńge ınvestısııa tartyldy. Sharýa qojalyqtar Sımmental men Golshteın tuqymdy saýyndy sıyrlardy Eýropa elderinen ákelgen. Sıyrlardyń bul tuqymy sútti baǵytta bolǵandyqtan táýligine ortasha eseppen 24 lıtr sút saýylady.

Investısııalyq jobalardyń biri - «Korno-1» О́K aǵymdaǵy jyl basynda otandyq asyl tuqymdy sútti-etti baǵyttaǵy 50 bas iri qara mal satyp alǵan. Sharýashylyqta óndirilgen sút qala aýmaǵyndaǵy qaıta óńdeý sehtaryna ótkizilýde. Sharýashylyqta 4 adam turaqty jumyspen qamtylǵan. Aldaǵy ýaqytta, sharýashylyq qýattylyǵyn keńeıtip, qosymsha qora jaı qurylysyn júrgizip, mal basyn kóbeıtýdi josparlaýda. Sharýashylyqqa satyp alynǵan asyl tuqymdy iri qara maldyń analyq basyna «Asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdııalaý» baǵdarlamasyna sáıkes, 2021 jyldyń sáýir aıynda memleket taranynan 9,8 mln. teńge qoldaý kórsetilgen.

Búginde sút óndirý baǵytyn ulǵaıtý maqsatynda jeke kásipker «Egamnazarov» Eýropa elderinen 138 bas asyl tuqymdy iri qara maldyń analyq basyn satyp aldy (2020 jyly– 70 bas, 2021 jyly 68 bas). Qazirgi tańda satyp alynǵan iri qara maldarynyń jartysynan kóbi tóldep sharýashylyqtaǵy jalpy mal basy 173 basqa jetti. О́ndirilgen sút «FýdMaster» JShS-ne berilýde. Memlekttik qoldaýlardy tıimdi paıdalaný arqasynda sharýashylyqtyń sút óndirýdegi jyldyq qýattylyǵy 500 tonnadan 900 tonnaǵa jetti. Aldaǵy ýaqytta atalǵan sharýashylyq qora jaı qurylysyn jańartyp, sútti baǵytta mal basyn kóbeıtýdi josparlap otyr.

2019 jyly qurylǵan «Zertas» ShQ asyl tuqymdy sút baǵytyndaǵy fermasyn ulǵaıtty. Búgingi tańda sharýashylyqta qosymsha qora jaı salynyp, jalpy iri qara mal basynyń sany 128-den 342-ge jetip, onyń ishinde sútti baǵyttaǵy sıyrlardyń sany 161 basty qurap otyr. Munda jylyna óndiriletin súttiń kólemi 1000 tonnadan asady. Sharýashylyqta óndirilgen sút «FýdMaster» JShS-niń qaıta óńdeý sehyna jóneltiledi.

Jalpy aýmaǵy 2,2 gektardy quraıtyn sharýaqojalyqta zamanaýı «Parallel» saýý qondyrǵysy, sútti jınaýǵa arnalǵan salqyndatqysh tanker sekildi ınnovasııalyq texnologııalar jáne sıyrlardy turaqty ustaý, asyl tuqymdy buzaýlardy ósirý aımaqtary bar. Budan bólek, sharýashylyq mal azyǵyn daıyndaýǵa arnalǵan arnaıy qurylǵylarmen, aýyl sharýashylylyq tehnıkalarymen qamtylǵan.

Aldaǵy ýaqytta bul sharýaqojalyq mal basynyń sanyn arttyrý úshin qosymsha qora jaı qurylysyn júrgizip, sút ónimin kóbeıtýdi jáne halyqty tabıǵı ári sapaly sút ónimimen qamatamasyz etýdi josparlap otyr. «Asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdııalaý» baǵdarlamasyna sáıkes jyl basynan beri óndirilgen sútke 5 241 300 teńge memlekettik qoldaý kórsetildi.