01 Qyrkúıek, 2021 NEWS
Foto: Ashyq derekkóz
Jambyl oblysyndaǵy jarylys kezinde qaza tapqandardyń Halyk Bank-ten alǵan nesıeleri keshiriledi. Bul týraly Halyk Bank-tyń baspasóz qyzmeti habarlady.
"Halyk Bank basshylyǵy men myńdaǵan adamnan turatyn ujymy Jambyl oblysyndaǵy jarylys saldarynan qaza tapqan áskerı qyzmetshilerdiń týǵan-týystary men jaqyndaryna shyn júrekten kóńil aıtady. Qaıǵyly oqıǵa TJM, Áskerı bólim, áskerılendirilgen kúzet jáne áskerı prokýratýra qyzmetkerleriniń ómirin qıdy. Bul el men árbir qazaqstandyq úshin orny tolmas shyǵyn.
Bank basshylyǵy zardap shekken otbasylarǵa qoldaý retinde Jambyl oblysynda jarylys kezinde qaza tapqan Halyk Bank klıentterine bankten alǵan qaryzdardy esepten shyǵarý týraly sheshim qabyldady" delingen habarlamada.
26 tamyz kúni Jambyl oblysy Baızaq aýdanynda ornalasqan áskerı bólimde qoımalardyń biriniń janynda órt shyqqan. О́rt saldarynan qoımadaǵy oq-dári jarylyp, saldarynan 15 adam qaza tapqan. Olardyń arasynda órt sóndirýshiler, tótenshe jaǵdaı mınıstrliginiń, áskerı bólimniń, áskerı kúzet pen áskerı prokýratýranyń qyzmetkerleri bar. Áskerı bólimnen jarty shaqyrym jerdegi Qaınar aýylyndaǵy úıler búlingen.
Jarylystan qaza tapqandardyń tolyq aty-jóni tómendegideı:
Efreıtor R.S.Janbolatov – 40 jasta
Serjant M.S.Mershimbaı – 40 jasta
Starshına E.E.Nádirbekov – 41 jasta
Azamattyq qyzmetker O.D.Dálibaev – 59 jasta
Ońtústik óńirdiń áskerı prokýrory A.Q.Qapezov – 44 jasta
Serjant-órt sóndirýshi A.S.Temirbolatov – 28 jasta
Polkovnık M.K.Aımanov – 45 jasta
Podpolkovnık A.N.Mıkropýlo – 50 jasta
Serjant, aǵa órt qutqarýshysy E.Q.Sandybaev – 30 jasta
Serjant, aǵa órt qutqarýshysy T.Q.Tórebekov – 40 jasta
Maıor S.J.Álimbekov – 36 jasta
Maıor, qaraýyl basshysy S.V.Zaıkın – 41 jasta
Aǵa serjant, júrgizýshi G.J.Qýatbek – 26 jasta
Kishi serjant, órt qutqarýshysy Á.Q.Ádilbek – 25 jasta
Qatardaǵy órt sóndirýshi Á.B.Keńes – 22 jasta
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir