Foto:
Tálipter dollar men kóne buıymdardy Aýǵanstanǵa ákelýge jáne Aýǵanstannan áketýge tyıym saldy. Zańdy buzǵandar qatań jazalanbaq. Bul týraly "Aýǵanstan" Islam ámirliginiń Twitter paraqshasynda habarlandy .
"Biz barlyq azamattarǵa qurlyq jáne áýe arqyly qandaı da bir syltaýmen dollar men antıkvarattardy zańsyz alyp ótýge nemese olardy elden shyǵarýǵa qatań tyıym salynǵanyn habarlaımyz. Eger bul zattar bireýdiń qolynan tabylsa, olar birden tárkilenedi, al olardyń ıeleri zań boıynsha jazalanady" delingen habarlamada.
Buǵan deıin talipter mýzyka tyńdaýǵa jáne ony oryndaýǵa tyıym salǵan. Áıelderdi radıostansııalar arqyly jumysqa shaqyrýǵa bolmaıdy. Sonymen qatar, koronavırýsqa qarsy vaksınasııaǵa da shekteý qoıǵan.
Sońǵy ret Talıban Kabýldy 1996 jyly basyp alǵan bolatyn. Olar sol kezde elde mýzykaǵa, sýret salýǵa, ınternetke, kompıýter men teledıdarǵa tyıym salatyn sharıǵat zańyn engizgen.
Áıelderge qoǵamdyq oryndarda betin ashyp júrýge, jumys isteýge jáne kóshege shyǵýǵa erkekterge saqalyn qyrýǵa tyıym salǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir