Shymkent qalasyndaǵy epıd-ahýal turaqtalyp keledi

Shymkent qalasynda ótken táýlikte 147 adam koronavırýs indetimen aýyrǵany belgili boldy. Onyń ishinde klınıkalyq belgileri joq 19 tasymaldaýshy tirkeldi. Indet juqtyrǵan 98 adam ınfeksııalyq stasıonarǵa jatqyzylsa, 51 adam úı baqylaýyna alyndy.

Qazirgi tańǵa mamandandyrylǵan ınfeksııalyq stasıonarlarda barlyǵy 3 780 oryn bar, tósek oryn tolymdyǵy 55%-dy quraıdy, 1670 tósek oryn bos. Infeksııalyq stasıonarda 2110 naýqas emdelýde, jansaqtaý bóliminde 559 tósek oryn bar, 346 naýqas em qabyldaýda.

Júrgizilgen zerthanalyq zertteýler (PTR) – 427 382, táýligine–1039. Bir táýlik ishinde qalada 4674 adam vaksına aldy. Egý naýqany bastalǵaly barlyǵy 413 654 adam vaksınasııalandy. Onyń ishinde 343 920 adam vaksınanyń eki komponentin aldy. Olardyń biri Gúlmıra Adaıqyzy.

Ol koronavırýs ınfeksııasyna qarsy vaksına salý pandemııany jeńýdiń jalǵyz senimdi joly ekendigine kúmáni joq. «Ár azamat óz densaýlyǵy úshin jaýapty»,- deıdi ekpeniń ekinshi komponnetin qabyldaǵan qala turǵyny.

Men vaksınasııa týraly kóp oqyp, aqparat jınadym. Sodan ózimniń jáne jaqyndarmnyń densaýlyǵy úshin men vaksına qabyldaımyn dep sheshtim. Men múldem ókinbeımin. Búgin vaksınanyń ekinshi komponenti salyndy. О́zimdi jaqsy sezinip turmyn. Barlyq turǵyndardy vaksına alýǵa shaqyramyn.

Qala aýmaǵynda sanıtarlyq-epıdemıologııalyq talaptardyń saqtalýyna monıtorıng júrgizetin 40 mobıldik top 23 tamyz kúni 449nysanǵa tekserý jumystaryn júrgizdi. Nátıjesinde 13 nysanda karantın rejıminiń talaptary buzylǵandyǵy anyqtalyp, ákimshilik hattamalar toltyryldy.