Almaty qalasynyń bas sanıtar dárigeri Jandarbek Bekshın karantın sharalaryna baılanysty jańa qaýly jarııalady.
Qaýlyǵa sáıkes, qalada 2 tamyzdan 16 tamyzǵa deıin jańa shekteý sharalary engiziledi. Oǵan saı, kásipkerlik nysandar tek Ashyq júıesimen jumys isteıdi. Sondaı-aq demalys kúnderi Ashyq júıesimen jumys isteıtinine, istemeıtinine qaramastan uıymdar qyzmeti toqtaıdy. Shekteý tómendegideı memlekettik jáne kásipkerlik mekemelerge qatysty emes.
• ortalyq memlekettik organdar, ákimshilikter, quqyq qorǵaý organdary, densaýlyq saqtaý uıymdary, BAQ, azyk-túlik dúkenderi (sýper-gıpermarketter, azyk-túlik dúkenderi, mınımarketter, zoodúkender);
• dárihanalar jáne ómir súrýdi kamtamasyz etetin, qurylys jáne óndiristik jumystarmen shuǵyldanatyn uıymdar;
• qyzmetter (avtojýý, avtomobıl, turmystyq tehnıka, saǵat, telefon, kompıýter, aıaq-kıim jóndeý, tigin atelesi, kir jýý, kıim tazalaý, kilt daıyndaý, turmystyq qyzmet kórsetý túri jáne basqa);
• gúl dúkenderi, fotosalondar, týrıstik kompanııalar, bıznes ortalyqtary;
• bólek kyzmet túrleri (saqtandyrý kompanııalary, advokat, notarıýs, býhgalter jáne konsaltıng qyzmetteri, jyljymaıtyn múlik, jarnama agentikteri, sot oryndaýshylary, aqsha aıyrbastaý oryndary, lombardtar, bankter, "Kazposhta" AQ bólimsheleri t.s.s.);
Qoǵamdyq tamaqtaný nysandaryna tek ózimen alyp ketý jáne jetkizý qyzmetterine ruhsat etiledi. Oıyn-saýyk, sporttyq jáne basqa da buqaralyq is-sharalardy, sondaı-aq otbasylyq, estelik is-sharalardy ótkizýge tyıym salynady.
Memlekettik organdardyń, ofısterdiń, ulttyq kompanııa jáne uıym qyzmetkerleriniń 80 paıyzy qashyqtan jumys rejımin saqtaýǵa tıis. Vaksına saldyrǵan jáne sońǵy 3 aıda koronavırýs juqtyryp aýyrǵandarǵa bul shekteýler engizilmeıdi.
Pikir qaldyrý
pikir