Foto: Vıdeodan skrınshot
Tokıo olımpıadasynda Qazaqstan qorjynyna alǵashqy medaldi alyp kelgen dzıýdoshy Eldos Smetov elge oraldy. Bul týraly "Oıan, Qazaqstan!" baǵdarlamasynyń áleýmettik jelidegi paraqshasynda habarlandy.
Chempıondy qalyptasqan halyq dástúri boıynsha táttilerden shashý shashyp, kútip aldy. Smetovtke kásipkerlerdiń biri áýejaıda sý jańa kólik syıǵa tartty.
– Olımpıada óte keremet ótti. Zaldyń bos bolǵany biz úshin yńǵaısyz boldy. Men úshin eń qıyn bolǵany fınaldyq beldesý boldy. Osylaı buıyryp tur eken. Qýanyshymda shek joq. Elim, jerim, halqym 3-oryndy 1-oryn retinde qabyldady. "Altyn" armandap barsam da, buıyrǵany "qola" boldy. Oǵan da qatty qýandym. О́ıtkeni kúlli qazaq men 3-oryn alǵanda "Eldostyń qolasy bizge altynnan artyq" dep jar saldy. Endi mine qushaqtaryn ashyp kútip alyp jatyr. Budan artyq baqyt bar ma?, – dedi E.Smetov.
Jankúıerleri Eldosqa arnap túrli plakattar alyp shyqqan. Kútip alýshylardyń arasynda sportshynyń alǵashqy bapkeri de boldy.
– Mine, naǵyz chempıon. Meniń alǵashqy jattyqtyrýshym. Kishkentaıymnan óz balasyndaı kórip, alaqanynda ósirgen meniń bapkerim, – dedi Smetov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir