• USD 424.85

  • EUR 504.21

  • RUB 5.84

  • CNY 65.86

19 Qańtar, 17:07:29
Almaty
+1°

Prezıdent Qasym-Jomart Toqaev Mańǵystaý jáne Qyzylorda oblystary ákimderiniń esebin tyńdady. Bul týraly Berik Ýálı facebook paraqshasynda jazdy.

Toqaev Mańǵystaý jáne Qyzylorda oblystarynyń ákimderimen óńirlerdegi qazirgi sanıtarlyq-epıdemıologııalyq jáne áleýmettik-ekonomıkalyq ahýaldy telefon arqyly talqylaǵan.

"Mańǵystaý oblysynyń ákimi Serikbaı Trumov prezıdentke COVID-19 indetine qarsy kúres boıynsha qabyldanyp jatqan sharalar, sonyń ishinde, halyqqa ekpe egý jáne maldy jem-shóppen qamtamasyz etý máseleleri jóninde baıandady.

Memleket basshysy oblys turǵyndaryna ekpe salý qarqynyn arttyrý jónindegi jumystardy kúsheıtýdi, sondaı-aq eńbek daýlaryn retteý jáne boldyrmaý, óndiris oryndary men munaı kásiporyndaryna qyzmet kórsetetin mekeme jumysshylaryna áleýmettik qolaıly jaǵdaıdy qamtamasyz etý sharalaryn qabyldaýdy tapsyrdy.
Sonymen qatar prezıdent úkimetke ákimdikpen birlesip, qýańshylyq saldaryna jáne jaıylymdyq jerlerdegi shóptiń tapshylyǵyna baılanysty qalyptasqan jaǵdaı boıynsha fermerler men aýyl turǵyndaryn qoldaý úshin qajetti sharalar qabyldaýdy tapsyrdy.

Qyzylorda oblysynyń ákimi Gúlshara Ábdiqalyqova Toqaevqa koronavırýs indetimen kúreste júrgizilip jatqan jumystar týraly esep berdi. О́ńirdegi vaksına saldyrýǵa tıisti turǵyndardyń 52 paıyzy ekpe aldy.
Sonymen qatar oblys ákimi aımaqtaǵy sý sharýashylyǵyna qatysty jaǵdaıdy da baıandady. Búginde Syrdarııa ózeni arqyly oblysqa sekýndyna 550 tekshe metr sý kelýde. Sharýashylyq sýbektilerine sý berý kezegi men onyń kólemin anyqtaıtyn jumys komıssııasy quryldy.

Oblys ákiminiń aıtýynsha, Aral aýdanynda 12 shildede tótenshe jaǵdaı jarııalanǵan. Osyǵan baılanysty úkimet rezervinen jáne oblystyq bıýdjetten jem-shóp sýbsıdııasyna, sondaı-aq sý arnalaryn tazartýǵa jáne uńǵymalar qazýǵa qarjy bólý týraly sheshim qabyldanǵan.

Prezıdent Toqaev Qyzylorda oblysynyń ákimine halyqty vaksınalaýǵa qatysty aqparattyq-túsindirý jumystaryn kúsheıtýdi, munaı-gaz salasyndaǵy problemalardy sheshý úshin keshendi amal qarastyrýdy, sondaı-aq Qyzylorda oblysyna qarasty aýdandardaǵy zardap shekken sharýashylyq sýbektilerine jem-shóp daıyndaýdy qamtamasyz etýdi tapsyrdy" delingen habarlamada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir