Nur Otan birinshi býyn ákimderdiń halyqpen ózara árekettestiginiń jańa mádenıetin qalyptastyrady - Baýyrjan Baıbek

"Nur Otan" partııasy tóraǵasynyń birinshi orynbasary Baýyrjan Baıbek Facebook-tegi paraqshasynda aýyl ákimderiniń tikeleı saılaýyna bıleýshi partııadan qatysatyn kandıdattardyń daıarlyǵy týraly aıtyp, "О́zgerister joly: Ár azamatqa laıyqty ómir!" saılaýaldy baǵdarlamasyn júzege asyrýdyń aralyq nátıjelerimen bólisti.

Onyń aıtýynsha, keshe barlyq aımaqta "Nur Otan"-nan 587 kandıdat tirkelgen. Úmitkerlerdiń 35%-ten astamy jańa tulǵalar, onyń ishinde bilim berý salasynyń ókilderi, kásipkerler, fermerler jáne t.b. bar. Olardyń kópshiligi – taıaýda ótken partııaishilik praımerızdiń qatysýshylary, bastaýysh partııa uıymdarynyń tóraǵalary. Kandıdattardyń ortasha jasy – 46 jas. Áıelder – 11%, 35 jasqa deıingi jastar – 14%.

– О́zderińizge málim, el prezıdenti Qasym-Jomart Kemeluly Toqaevtyń bastamasy boıynsha 25 shildede tuńǵysh ret aýdandyq mańyzy bar qalalardyń, aýyldar men kentterdiń jáne aýyldyq okrýgterdiń ákimderin tikeleı saılaý ótedi. Memleket basshysy atap ótkendeı, "aldaǵy saılaý – saıası júıemizdiń kemeline kelgeniniń belgisi ǵana emes, sonymen birge qoǵamymyzdyń demokratııalyq damý jolyna nyq qadam basqanyn bildiredi". "Nur Otan"-nyń mindeti – tek saılaýda jeńiske jetý ǵana emes, aýyldardyń damýyna júıeli jaǵdaı jasaý, azamattardyń naqty máselelerin sheshý. Partııa óz kandıdattaryn usyna otyryp, birinshi býyn ákimderdiń el prezıdenti usynǵan "Halyq únine qulaq asatyn memleket" tujyrymdamasy aıasynda halyqpen ózara árekettestiginiń jańa mádenıetin qalyptastyra otyryp, zamanaýı tásilderdi endirýde, – dedi Baýyrjan Baıbek.

Partııa tóraǵasynyń birinshi orynbasary keltirgen málimetterge súıensek, bul úshin partııa óz kandıdattaryn jańa jaǵdaıda, adamdarmen tikeleı "qoıan-qoltyq" jumys isteýge baǵyttaı otyryp, tıimdi keri baılanys ornatýǵa oqytýda. Jergilikti jerlerdegi barlyq kandıdat pen shtab músheleri Saıası menedjment mektebiniń bazasynda semınardan ótip, qajetti uıymdyq, ádistemelik jáne basqa da qoldaýmen qamtamasyz etilgen. Olardyń árqaısysynda aýmaqtyń múmkindigin eskere otyryp, partııa qoldaýymen qamtamasyz etilgen naqty saılaýaldy baǵdarlamasy tujyrymdalǵan.

"Nur Otan" maqsaty aıqyn, naqty ister partııasy retinde kúndelikti jumysynda saıası jańashyldyq, júıelilik jáne sabaqtastyq sekildi qaǵıdattardy basshylyqqa alady. Elbasy, partııa lıderi Nursultan Nazarbaev "Nur Otan" qyzmetiniń negizi etip alǵan naq osy tásilder partııamyzdyń saılaýlarda jeńiske jetýin, onyń uzaq merzimdi saıası kóshbasshylyǵyn qamtamasyz etip keledi. Osylaısha, "Nur Otan" bul saılaýǵa barynsha daıyndyqpen kelip otyr. Qoǵamdyq saıasat ınstıtýtynyń áleýmettik zertteýine, partııanyń qoǵamdyq qabyldaý bólmeleriniń derekterin taldaýǵa jáne jergilikti jerlerdegi qoǵamdyq-saıası ahýal monıtorıngine sáıkes biz saılaý okrýgteriniń 80%-ten astamynda jeńiske qol jetkizýdi maqsat etip otyrmyz, – dep atap ótti ol.

Sondaı-aq Baýyrjan Baıbek óz jazbasynda "Nur Otan" parlamenttik saılaýlardan keıin birden saılaýaldy ýádelerin iske asyrýǵa belsendi túrde kiriskenine erekshe toqtaldy.

Saılaýdan keıingi mindetterge oraı búkil qajetti partııalyq ınfraqurylym jańasha qaıta qurylymdanǵany aıtyldy. Jaýapty depýtattar men basshylar bekitilgen 217 jol kartasy iske asyrylýda. Saılaýaldy ýádelerdi monıtorıngteý jáne jergilikti jerlerde ózekti máselelerdi ashyp aıtý úshin 12 myńnan astam belsendi azamattyń qatysýymen 1,7 myńnan astam qoǵamdyq keńestiń óńirlik jelisi quryldy.

"О́zgerister joly: Ár azamatqa laıyqty ómir!" Saılaýaldy baǵdarlamasy qazirgi kezde respýblıkalyq deńgeıde 7%-ke, óńirlik deńgeıde 5%-ke oryndaldy. Qoǵamdyq keńester memlekettik organdar úshin 250-den astam naqty usynymdar tujyrymdady, onyń ishinde bızneske kedergilerdi joıý, memlekettik satyp alý júıesin jetildirý, áleýmettik áleýmettik mańyzdy azyq-túlik taýarlarynyń baǵasyn ustap turý boıynsha sharalar qabyldaý jáne basqalary bar. О́ńirlik deńgeıde 3,3 myńnan astam ózekti áleýmettik másele qaraldy. Kóterilip otyrǵan máselelerdiń barlyǵy partııalyq baqylaýǵa alynady.

Tek jyl basynan beri partııanyń qoǵamdyq qabyldaý bólmelerinde depýtattar, "Nur Otan" partııasynyń músheleri – memlekettik organdardyń basshylary 14 myńnan astam qabyldaý ótkizip, 74 myń qazaqstandyqty qabyldady. О́tinishterdiń 96%-i boıynsha oń sheshimge qol jetkizildi, konsýltatıvtik, quqyqtyq jáne basqa da kómek kórsetildi. Qalǵan 4%-i oryndalýda.

Májilistegi "Nur Otan" Fraksııasynyń bastamasymen saılaýaldy mindettemelerdi iske asyrý jónindegi Jol kartasyna sáıkes 12 zańnamalyq jáne quqyqtyq akti, onyń ishinde 9 zań qabyldandy. Olardyń qatarynda Ekologııalyq kodeks, ınklıýzıvtik bilim berý, áleýmettik kásipkerlikti damytý, azamattardyń quqyqtaryn qorǵaýdy kúsheıtý jáne basqalary boıynsha ózgerister bar.

Jastar aldyndaǵy saılaýaldy ýádelerdi oryndaý jaıy erekshe baqylaýda. Máselen, 2025 jylǵa deıingi "Jastar – Otanǵa!" baǵdarlamasyn iske asyrý boıynsha 217 jol kartasy aıasynda 35 jasqa deıingi 4,5 mıllıonnan astam jas qazaqstandyqty qamtı otyryp, 3,5 myń ındıkatorǵa qol jetkizý kózdelgen. Negizgi máseleler qatarynda bilim berý sapasyn kóterý, jumysqa ornalastyrý, qoljetimdi baspana, azamattyq belsendilikti keńeıtý, tulǵalyq damý jáne bos ýaqyt máseleleri bar.

Elbasynyń "Senim. Dıalog. Bolashaqqa nyq qadam" atty partııany júıeli qaıta jańǵyrtý baǵdarlamasy aıasynda aımaqtyq ókildi partııa organdarynyń basshylyǵy 40%-ke jańardy. Partııa Ortalyq apparatynyń qurylymy shtat sany 10%-ke qysqartyla otyryp, ońtaılandyryldy. Jańa standarttar men qoǵam suranysy eskerile otyryp, sybaılas jemqorlyqqa qarsy kúres odan ári kúsheıtilýde. Jarǵy men Etıka kodeksine sáıkes partııa qataryn "tazartý" jalǵastyrylýda.

Qoǵamdyq baqylaýdy kúsheıtý, jergilikti jerde enjarlyqty jeńý, depýtattardyń ashyqtyǵyn qamtamasyz etý úshin bıyldan bastap alǵash ret barlyq deńgeıdegi máslıhattardaǵy "Nur Otan" fraksııalary músheleriniń jarııa reıtıngi engizildi. 1 qyrkúıekten bastap azamattar úshin ashyq qoljetimdi arnaıy ınternet-platformany iske qosý josparlanyp otyr. Onda halyq qalaýlylarynyń qyzmeti men bastamalary týraly aqparattar, olarǵa tikeleı júginý múmkindigi qamtylǵan.

– Táýelsizdik aıasyndaǵy 30 jyl ishinde elimiz ártúrli qıyndyqtar men synaqtardy bastan keshirdi. Áıtse de, biz olardy árdaıym eńserip, birligimiz artyp, qýatty bola tústik. Qazirgideı syn-qaterler jaǵdaıynda "Nur Otan"-nyń olardy eńserý boıynsha naqty baǵdarlamalary men quraldary, partııalastary men qoǵam belsendileri, saıası erik-jigeri men sheshimtal is-qımyly bar. Qazaqstandyqtardyń qoldaýymen "Nur Otan" partııasy ári qaraı da el basshylyǵy mejelegen barlyq jospardyń iske asyrylýyn qamtamasyz etýdi jalǵastyra beredi, – dep túıindedi Baýyrjan Baıbek.