Q.Toqaev birneshe kadrlyq ózgeris jasady

Prezıdent Q.Toqaev birneshe kadrlyq aýys-túıis jasady.

Almat Muratuly Baısholaqov prezıdent ákimshiliginiń qaýipsizdik jáne quqyqtyq tártip bóliminiń meńgerýshisi laýazymynan bosatyldy, Ol bul qyzmetke 2019 jyldyń tamyz aıynda qyzmetke ornalasqan. Ol prokýratýra organdarynda jáne "Samuryq-Qazyna" ulttyq ál-aýqat qory" AQ qurylymynda qyzmet etken. 

Sondaı-aq Qazaqstan Respýblıkasynyń Shvesııa Koroldigindegi Tótenshe jáne О́kiletti Elshisi Sergeı Nurtaıuly Nurtaev Qazaqstan Respýblıkasynyń Danııa Koroldigindegi Tótenshe jáne О́kiletti Elshisi qyzmetin qosa atqarýshy laýazymyna, Qazaqstan Respýblıkasynyń Brazılııa Federatıvtik Respýblıkasyndaǵy Tótenshe jáne О́kiletti Elshisi Bolat Turaruly Núsipov Qazaqstan Respýblıkasynyń Argentına Respýblıkasyndaǵy, Chılı Respýblıkasyndaǵy Tótenshe jáne О́kiletti Elshisi qyzmetin qosa atqarýshy laýazymyna taǵaıyndaldy.

Buǵan deıin Indýstrııa jáne ınfraqurylymdyq damý mınıstri Beıbit Atamqulovtyń inisi Mádı Atamqulov prezıdent protokolynyń bastyǵy laýazymynan bosatylyp, Qazaqstannyń Serbııa Respýblıkasyndaǵy Tótenshe jáne О́kiletti Elshisi laýazymyna taǵaıyndalǵany habarlanǵan.

Al prezıdent protokol qyzmetiniń bastyǵy laýazymyna Dmıtrıı Leonıdovıch Mıhno taǵaıyndalsa, buǵan deıin Qazaqstan Respýblıkasynyń Serbııa Respýblıkasyndaǵy Tótenshe jáne О́kiletti Elshisi laýazymyn atqyryp kelgen Ǵabıt Syzdyqbekovtyń qaıda ketkeni ázirge belgisiz.