Haıp. 18 jastaǵy aqsýlyq jigit avtobýs ústine shyǵyp alǵan

Pavlodar oblysy Aqsý qalasynda avtobýstyń tóbesine shyǵyp, kelesi aıaldamaǵa deıin barǵan 18 jastaǵy  jasóspirim jaýapqa tartyldy, dep habarlady Polisia.kz saıty.

Quqyq qorǵaý organdary Instagram áleýmettik jelisine monıtorıng jasaý barysynda jasóspirimniń qalalyq avtobýs tóbesine sekirip mingen vıdeosyn anyqtap, vıdeoǵa tekserý júrgizgen.

– 17 maýsymda saǵat 13.00-de jasóspirim Pavlodar oblysy Aqsý qalasy Astana kóshesindegi aıaldamanyń tóbesinen qalalyq avtobýstyń tóbesine sekirip mingeni anyqtaldy. Polısııa tártip buzǵan jigitti tapty. Ol 18 jastaǵy qala turǵyny. Oǵan qatysty ákimshilik quqyq buzýshylyqtyń  434-baby boıynsha usaq buzaqylyq, qoǵamdyq tártipti jáne jeke tulǵalardyń tynyshtyǵyn buzatyn basqa áreketter boıynsha ákimshilik is qozǵaldy, materıal jazalaý sharalaryn qabyldaý úshin sotqa jiberildi, – dedi Aqsý qalalyq polısııa bóliminiń jergilikti polısııa qyzmetiniń bastyǵy Arman Rahmetov.

Jasóspirim bul áreketke haıp úshin barǵanyn aıtqan. 

 

 

 

Posmotret etý pýblıkasııý v Instagram

 

 

 

Pýblıkasııa ot Eto Pavlodar, detka ??‍♂️ (@pavlo.detka)