Orys álemi birtutas emes eken. Ýkraına NATO-ǵa kiretin boldy

Brıýsselde NATO Sammıti aıaqtaldy. О́te keremet jańalyq! Ýkraına NATO-ǵa múshelikke ótetin boldy!

Osynaý tarıhı sátti kózge elestetýdiń ózi qıyn. "SSSR" taramaı turǵanda mundaıdy oılaýdyń ózi múmkin emes edi. Biz sııaqty azııalyq halyqtar úshin "orys álemi" birtutas bolyp kórinetin. Ýkraındyqtar men belarýster osy orys áleminiń quramdas bóliginiń biri sııaqty bolyp kórinetin. Bular myzǵymaıtyn, ǵasyrlarǵa ulasqan dıktat sııaqty bolatyn.

Oılamaǵan jerden SSSR tarap ketti. Ornynda qalǵan RF da báribir birtutas bolyp kórindi. Olar taramaı bizdiń osy "ekinshi sorttaǵy" halyq sııaqty bolǵanymyz bolǵan dep oılaıtynbyz. Kenet... orystar men ýkraındyqtar arasynda shý shyqty. Sóıtsek... olar da birtutas emes eken, arasynda ǵasyrlarǵa ulasqan kıkiljiń bar eken. Orystardyń ózderi bastamaǵanda ýkraındyqtar ekinshi rólde áli de uzaq júre berer me edi, qaıter edi? Biraq... jatqan jylannyń quıryǵyn ózderi basty.

"Biz týystas, baýyr halyqtarmyz, bizdiń aramyzdan NATO-ǵa múshe bolatyndaı jaý shyǵýy múmkin emes, munyń bári Batystyń jymysqy áreketi" deıdi reseılikter. Alaıda shyndyq, naqty faktiler olaı emes ekenin kórsetip keledi. Imperııalyq shovınızmniń ábden asqynǵan túrimen aýyrǵan reseılikter basqalardy eleýdi qoıǵany belgili boldy. Tek biz sııaqty azııalyqtar ǵana emes, óz týysy, baýyry degen ýkraınalyqtardy da jerin tartyp alyp qyrǵynǵa ushyratyp jatqany eshbir aqtaýǵa kelmeıdi. Mundaı jaǵdaıda árıne, Ýkraına basqalardan kómek suraýǵa májbúr.

Mine, buryn Ýkraınanyń NATO-ǵa múshe bolýy múmkin emesteı bolyp kórinse, endi RF-nyń shekaraǵa áskerlerin tógip, bopsalaýyna ushyraǵan Ýkraına NATO sııaqty alıanstyń kómegine júginýge májbúr. Brıýsseldegi NATO Sammıti osyndaı sheshim qabyldady – Ýkraına da Grýzııa sııaqty NATO músheligine is-áreket jospary arqyly ótetin boldy! Biraq bul jospar júzege asý úshin reformalar qajet. Eger taǵy da agressııaǵa ushyraǵysy kelmese, nemese shekarasynda únemi qarsylasynyń áskeri shabýyl qaterin týǵyzyp otyrmas úshin Ýkraına qımyldaýy qajet – tezdetin qajetti reformalardy júzege asyrýy kerek. Endigisi tek Ýkraınanyń ózine ǵana baılanysty.

Qýanysh Edilhantegi

Halyqaralyq sholýshy