Nurlan Nyǵmatýlın: Májilis úkimettiń bıýdjettiń atqarylýy týraly esebin qaraıdy

Búgin májilis spıkeri Nurlan Nyǵmatýlınniń tóraǵalyǵymen bıýro otyrysy ótip, onda aldaǵy jalpy otyrystyń kún tártibi naqtylandy.

Aldaǵy jalpy otyrysta depýtattar qaraýyna Qazaqstan  Respýblıkasy Úkimetiniń  jáne  Respýblıkalyq bıýdjettiń atqarylýyn baqylaý jónindegi esep komıtetiniń 2020 jylǵy  respýblıkalyq  bıýdjettiń atqarylýy týraly esepteri usynylatyn bolady.

Bıýro otyrysynda depýtattarǵa birqatar zań jobalaryn II oqylymda qaraý usynyldy. Atap aıtqanda, Ákimshilik quqyq buzýshylyq týraly kodeksine, sondaı-aq, azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly zań jobalary bar.

Sonymen qatar, «Qazaqstan Respýblıkasynyń keıbir zańnamalyq aktilerine jer qatynastaryn damytý máseleleri boıynsha ózgerister men tolyqtyrýlar engizý týraly» zań jobasyn II oqylymda qaraý kózdelip otyr.

Májilistiń baspasóz qyzmeti