• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 16:28:40
Almaty

Demokratııalyq partııa bastamashyl tobynyń jetekshisi Janbolat Mamaı NurOtan partııasy tóraǵasynyń orynbasary Baýyrjan Baıbektiń talap aryzy negizinde ótken azamattyq prosesste Baıbek tarapymen tatýlasýdan bas tartty.

Azamattyq belsendi Qazaqstan sotyna senbeıtinin, buǵan deıin ózine qatysty qozǵalǵan ister men ózge de prosessterde ádil sheshim shyqqanyn kórmegenin jetkizip, ustanymynan qaıtpaıtynyn málimdedi. Ol buǵan deıin de aıtqanyndaı Baýyrjan Baıbekti ashyq, tikeleı efırde ótetin debatqa shyǵýǵa, sol jerde óz oıyn aıtýǵa shaqyrdy. "Sonda ǵana halyq óz baǵasyn beredi" deıdi ol.

B.Baıbek-J.Mamaı teketiresi belsendiniń NurOtan partııasy tóraǵasynyń orynbasary týraly eki tilde vıdeomaterıal jarııalaýynan bastalǵan. Janbolat Mamaı ol jerde UZUN Qulaq telegram kanalynda, ashyq derekkózderde, birqatar baspasóz betterinde jarııalanǵan aqparattardy, derekterdi negizge alyp, B.Baıbekti Almaty ákimi bolyp turǵanda "bıýdjet aqshasyn "jep" mıllıarder atandy" dep aıyptaıdy. Buǵan jaýap retinde B.Baıbek NurOtan partııasynyń eks-depýtaty, búginde youtube jelisinde vıdeoblog túsirýmen aınalysyp júrgen Táńirbergen Berdońǵarǵa suhbat berip, oppozısıonerdiń aıyptaryn teristep, ony sotqa beretinin málim etti. Munan soń Janbolat Mamaı Qazaqstan soty ózin jyǵyp beretinin aıtyp, Baıbekti tikeleı efır rejıminde ashyq debatqa shyǵýǵa shaqyrǵan. Uzamaı NurOtan partııasy atynan májilis depýtaty atanǵan Elnur Beısenbaev Qazaqstan arnasynyń jýrnalısi Nartaı Aralbaıulynyń youtube arnasyna suhbat berip, Janbolat Mamaıdyń Baýyrjan Baıbekti debatqa shaqyrýyn synap, Mamaıdyń ózin debatqa shaqyrady. Buǵan jaýap retinde Mamaı debatqa basqa-basqany emes, óziniń sózderin "ótirik" degen, sotqa beretinin aıtqan Baýyrjan Baıbekti shaqyrǵanyn jetkizgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir