"SK-Farmasııa" kompanııasy koronavırýsqa qarsy qytaılyq Sinopharm vaksınasynyń 1 mıllıon dozasyn satyp aldy. Vaksına "Samuryq-Qazyna" qory quramyna enetin kompanııalardyń qyzmetkerlerine arnalǵan, dep jazady forbes.kz.
Densaýlyq saqtaý mınıstrligi aqparatty rastap, vaksına birinshi kezekte holdıngke tıesili biryńǵaı dıstrıbıýtorlarǵa arnalatynyn málim etti.
Vaksınanyń alǵashqy 400 myń dozasy 30 sáýirge deıin, qalǵan 600 myń doza mamyrda jetkiziledi dep josparlanǵan.
Sinopharm (Hayat-Vax, Vero Cell) flakon nemese shprıske toltyrylǵan vaksına. Ony +2 - +8 gradýsta saqtaýǵa bolady. Eki doza túrinde salynady. Ekinshisi birinshisinen keıin araǵa 14 salyp egiledi. Qazaqstan satyp alatyn vaksına BAÁ-degi Gulf Pharmaceutical Industries Julphar óndiris ornynda jasalǵan.
Qazaqstanda jappaı vaksınasııa 1 aqpanda bastalǵan. 28 sáýirdegi málimet boıynsha elde 1 016 809 adam koronavırýsqa qarsy vaksına saldyrǵan. Bastapqyda azamattarǵa reseılik Spýtnık-V ekpesi ǵana egilgen. 26 sáýirden halyqty qazaqstandyq "QazVac" vaksınasymen vaksınasııalaý bastaldy. Ázirge otandyq vaksınanyń 50 myń dozasy ǵana daıyn. Mamyr aıynda 50 myń doza kólemindegi vaksınanyń kezekti partııasyn shyǵarý josparlanýda.
Pikir qaldyrý
pikir