• USD 475.51

  • EUR 464.15

  • RUB 8.2

  • CNY 66.85

03 Qazan, 20:22:56
Almaty
+14°

Qazaqstannyń densaýlyq saqtaý mınıstri Alekseı Soı sot jumys isteýge ruhsat etken vedomstvonyń eks basshysy Eljan Birtanovtyń nemen aınalysyp júrgeni týraly aıtty.

"Sot Eljan Birtanovqa úıden shyǵyp, jumys isteýge ruqsat etti. Ony densaýlyq saqtaý mınıstrligine nemese jedel járdemge qabyldaısyzdar ma?" dep suraq qoıdy "Habar 24" telearnasynyń tilshisi.

– Qazirgi tańda biz de osyndaı aqparat aldyq. Bilýimizshe, ol qazir kommersııalyq qurylymda jumys isteıdi, – dedi mınıstr.

Eks-mınıstr Eljan Birtanov 2020 jylǵy 3 qarashada asa iri kólemde bıýdjet qarjysyn ysyrap etý faktisi boıynsha kúdikke ilinip, qamaýǵa alynǵan.

7 qarashada Birtanovqa qatysty bultartpaý sharasy ózgertilip, úı qamaqqa alynǵan. Munan soń úı qamaqqa alý sharasy áldeneshe ret uzartylǵan.

Jýyrda, 21 sáýirde Birtanovqa qatysty úı qamaqqa alý túrindegi bultartpaý sharasy 2021 jylǵy 14 mamyrǵa deıin uzartyldy. Alaıda sot bul joly oǵan 8:00 men 19:00 aralyǵynda úıinen shyǵýǵa ruhsat berdi. Sot mundaı sheshimdi eks-mınıstrdiń bultartpaý sharasyn buzbaýymen túsindirip, el ıgiligi jolynda jumys isteýine bolatynyn málim etti.

Buǵan deıin Birtanovqa otbasy músheleri men advokatynan ózge eshkimmen sóılesýge bolmaıtyn. Tipti oǵan shashtaraz da kirgizilmegen. Endi jańa sharalarǵa baılanysty ol jumysqa bara jatyp jolaı jolyqqan adamdarmen sóılese alady. 8:00 men 19:00 aralyǵynan tys ýaqytta shekteý burynǵysha qala beredi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir