Erjan Babaqumarov halyqty MÁMS júıesimen qamtý máseleleri boıynsha О́ńirlik shtab otyrysyn ótkizdi

Almaty qalasy ákiminiń orynbasary Erjan Babaqumarov onlaın formatta halyqty mindetti medısınalyq saqtandyrý júıesimen qamtý máseleleri boıynsha О́ńirlik shtab otyrysyn ótkizdi. Saqtandyrý mártebesin, ásirese kásipkerlik sýbektileri qyzmetkerlerin ózektendirý máseleleri qaraldy.

E. Babaqumarov MÁMS júıesi birinshi kezekte sapaly jáne tolyqqandy medısınalyq kómek kórsetýdi qamtamasyz etetindikten, halyqty barynsha qamtý jónindegi jumystyń mańyzdylyǵyn atap ótti. Áleýmettik medısınalyq saqtandyrý paketi sheńberinde qala turǵyndary medısınalyq qyzmetterdiń keńeıtilgen spektrine, onyń ishinde tegin medısınalyq kómektiń kepildik berilgen kóleminiń paketine kirmeıtin qymbat rásimderge qoljetkize alady.

Medısınalyq saqtandyrý qorynyń Almaty qalasy boıynsha fılıalynyń dırektory Tileýhan Ábildaevtyń aıtýynsha, júrgizilgen jumystar aıasynda saqtandyrylmaǵandardyń sany 402 myń adamdy qurady, olardyń 35,5%-y BJT tóleýshiler; 25% - ótken jyldan bastap eshqandaı tólemder túspegen tulǵalar.

Saqtandyrylmaǵandardyń arasynda 2020 jyldyń sońyna deıin jarnalar men aýdarymdardy tóleýden bosatylǵan shaǵyn jáne orta bıznes sýbektileriniń qyzmetkerleri bolýy múmkin. Osy zańdy tulǵalar óz qyzmetkerlerin saqtandyrý úshin jarnalardyń bolmaýyna qaramastan, osy qyzmetkerlerdiń derekterin osy jyldyń 3 toqsanynyń sońyna deıin msb.fms.kz saıtyna engizýleri qajet.

Shtab tóraǵasy Erjan Babaqumarov alǵashqy medısınalyq-sanıtarlyq kómek uıymdary deńgeıinde túsindirý jumystaryn kúsheıtýdi tapsyrdy. Saqtandyrylmaǵandardyń basym bóligi ShOB sektoryna tıesili bolǵandyqtan, Almaty qalasynyń kásipkerlik jáne ınvestısııalar basqarmasy «Atameken» kásipkerler palatasymen, Iskerlik jáne О́ńirlik keńestermen birlesip, shaǵyn jáne orta bıznestiń ereksheligine nazar aýdara otyryp, jumys tásilderin ózgertý qajet.