Jańa qaýly. Qazaqstannyń bir oblysynda karantın kúsheıtiledi

Shyǵys Qazaqstan oblysynyń bas memlekettik sanıtar dárigeriniń jańa qaýlysy jarııalandy.

Qaýlyda óńirde karantın 3 mamyrǵa deıin uzartylatyny aıtylǵan. Sonymen qatar oblysta shekteý sharalarynyń rejımi men merzimderi epıdemıologııalyq ahýaldyń ózgerýine sáıkes qaıta qaralýy múmkin.

Búgin Shyǵys Qazaqstan oblysynyń О́skemen, Semeı jáne Aıagóz qalalary koronavırýs boıynsha epıdemıologııalyq jaǵdaıdy baǵalaý matrısasyna sáıkes "qyzyl" aımaqqa kirdi.

"Borodýlıha, Shemonaıha, Úrjar, Zaısan, Aıagóz aýdandary men Semeı qalasynyń ákimderi, ShQO densaýlyq saqtaý basqarmasy, oblystyq memlekettik kirister jáne polısııa departamenti, qalalar men aýdandardyń sanıtarlyq-epıdemılogııalyq baqylaý basqarmalary Almaty oblysy tarapyna qoıylatyn eki, Qaraǵandy oblysy tarapynan qoıylatyn bir jáne Aıagóz aýdany aýmaǵyndaǵy eki sanıtarlyq bekettiń jumysyn qamtamasyz etýi tıis" delingen qujatta.

Qaýlyǵa sáıkes, joǵaryda kórsetilgen oblystyń 3 aımaǵynda:

Ǵımarattardyń syrtyndaǵy azyq-túlik bazarlary men azyq-túlik satpaıtyn bazarlar senbi kúni saǵat 17.00-ge deıin jumys isteıdi, jeksenbi kúni jumys istemeıdi.

Ǵımarattardyń ishindegi azyq-túlik bazarlary men azyq-túlik satpaıtyn bazarlar senbi jáne jeksenbi kúnderi jumys istemeıdi.

Azyq-túlik emes taýarlardy satatyn saýda obektileri (sýpermarketter, gıpermarketter, saýda úıleri, saýda jelileri, SOO) jumys kúnderi saǵat 21.00-ge deıin jumys isteıdi, senbi jáne jeksenbi kúni jumys istemeıdi.

Azyq-túlik taýarlaryn satatyn saýda obektileriniń (dúkender, bólimder, shaǵyn marketter, zoodúkender) qyzmeti shekteýsiz, aptanyń barlyq kúnderi jumys isteıdi.

Azyq-túlik taýarlaryn satpaıtyn saýda obektileri (dúkender, bólimder, shaǵyn marketter, býtıkter) aptanyń barlyq kúnderi jumys isteıdi.

Halyqtyń turýy boıynsha qyzmetter kórsetý salasyndaǵy uıymdar (qonaq úıler, otelder, sanatorıı-kýrorttyq uıymdar, demalys úıleri/bazalary, týrısttik bazalar jáne t. b.) nomerler qory toltyrylýynyń 80%-yna deıin jumys isteı alady.

Qoǵamdyq tamaqtaný obektileri (úı-jaılardaǵy) saǵat 09.00-den 20.00-ge deıin jumys isteıdi. Fýdkorttarǵa ýaqyt boıynsha shekteýmen saǵat 9.00-den 18.00-ge deıin, qalǵan ýaqytta tek tamaq alyp ketýge jáne jetkizýge ruqsat berilgen.

Mektepke deıingi balalar mekemelerinde/uıymdarynda 15 adamnan aspaıtyn toptardy jınaqtaý saqtalǵan kezde kezekshi toptardyń bolýyna ruqsat berilgen.

Jalpy bilim beretin mektepterde mektep aldy synyptardyń, 1 synyptan 5 synypqa deıin qosa alǵanda, halyqaralyq mektepterde-1 synyptan 7 synypqa deıin qosa alǵanda, synyptarda 25-ke deıin bala sanymen oqýshylar aralas formatta oqıdy.

Oqý bitiretin 9, 11 (12) synyptar aptanyń 6 kúni ishinde aralas oqıdy. Pánderdiń 70%-yn shtattyq rejımde, 30%-yn qashyqtan oqý formatynda júzege asyrylady (synypta 15 adamnan artyq emes, «1 synyp - 1 kabınet» qaǵıdaty boıynsha oqytý).

Qyzmetkerlerdiń qashyqtan jumys isteýi kelesi formatta júzege asyrylady: 20% – kúndizgi jumys isteý rejımi, 80% – qashyqtan jumys isteý rejımi.

Saýnalar senbi, jeksenbi kúnderi jumys istemeıdi.

Osy qaýly 2021 jylǵy 23 sáýirden bastap kúshine enedi jáne onyń resmı kúshi joıylǵanǵa deıin qoldanylady.