Jumysynan aıyrylǵan 37 myń adam tólem aldy. Tólem qalaı beriledi?

 

Elde jumystan bosatylǵan jumyskerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólem alýǵa quqyly.  Tólem mólsheri joǵalǵan kiristiń 40%-yn para-par.

Tólem taǵaıyndaý úshin jumystan bosatylǵan adam tómendegideı áreketter isteýi kerek:

- eGov.kz portalynda avtorızasııalaný;

- "Jumysqa ornalastyrý jáne jumyspen qamtý" bóliminde "Jumys izdeýshi adamdardy tirkeý" qyzmetin tańdaý;

- Onlaın-qyzmetke tapsyrys berip, barlyq joldardy toltyrý jáne oǵan ESQ-men qol qoıyp, ótinimdi jiberý ;

Munan soń bir kún ishinde turǵylyqty jerdegi halyqty jumyspen qamtý ortalyǵy bos jumys oryndaryn usynady. Eger jumys tabylmasa, 3 jumys kúni ishinde jumyssyz mártebesi beriledi.

Jumyssyz retinde tirkelý kezinde Eńbekmıniniń aqparattyq júıesi tólemdi taǵaıyndaý boıynsha qyzmet kórsetýge kelisý úshin mobıldi telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.