Almaty oblysyndaǵy taǵy bir aýdannyń ákimi aýysty

 

"Búgin prezıdent ákimshiligi jáne aýdandyq máslıhattyń kelisimimen Almaty oblysy ákimi Amandyq Batalovtyń ókimimen Qaıdar Ábdihanov Talǵar aýdanynyń ákimi bolyp taǵaıyndaldy" delingen habarlamada.

 

Qaıdar Álıhanuly 1974 jyly Almaty oblysy, Talǵar aýdany, Oktıabr aýylynda týǵan. 1997 jyly Almaty zootehnıkalyq maldárigerlik ınstıtýtyn "mal shıkizatyn taýarlaýshy ınjener" mamandyǵy boıynsha, 2003 jyly ekonomıka jáne quqyq akademııasyn "quqyqtaný" mamandyǵy boıynsha bitirgen.

 

Eńbek jolyn 1993 jyly Talǵar qalasyndaǵy "Aıgerım" JShS-niń kommersııalyq qyzmet dırektorynyń orynbasary retinde bastaǵan. 1998 jyly Almaty qalasynda "Qarý-Jaraq" respýblıkalyq memlekettik mekemesiniń qara jáne túrli-tústi metalldar qaldyǵyn satý bóliminiń ınjeneri, al 1999 jyldan 2014 jylǵa deıin keden organdarynda qyzmet atqarǵan. 2014 jyldan 2016 jylǵa deıin qarjy mınıstrligi memlekettik kirister komıteti Qostanaı oblysy boıynsha memlekettik kirister departamenti "Qostanaı-KRO" jáne "Jetiqara" keden beketteriniń basshysy mindetin atqarýshy, basshysy qyzmetinde bolǵan. 2016 jyly sybaılas jemqorlyqqa qarsy is-qımyl ulttyq bıýrosynyń Almaty oblysy boıynsha departamentinde jumys atqarǵan.

 

2017 jyldan 2018 jylǵa deıin Talǵar aýdany Keńdala aýyldyq okrýginiń ákimi, 2018 jyldan bastap búgingi kúnge deıin Talǵar aýdany ákiminiń orynbasary laýazymynda bolǵan.