Qorshaýdaǵy belsendiler: Bılikke tynyshtyq bermeımiz (vıdeo)

Almatydaǵy Balýan Sholaq atyndaǵy sport saraıy aldyna mıtıngke shyǵyp, arnaıy jasaq qorshaýynda turǵan belsendiler aqyryna deıin baratynyn, taramaıtynyn aıtyp jatyr.

Demokratııalyq partııa bastamashyl tobynyń jetekshisi Janbolat Mamaı "beıbit halyqqa qarsy polısııa kúshterimen kúresip jatyr" dep prezıdent Toqaevty aıyptaıdy.

Belsendi Abzal Dostııarov "Nazarbaev bıligi jemqorlyqqa batqan bılik, halqyna qarsy oq atqan bılik. Biz demokratııalyq partııa Nazarbaev bıligine tynyshtyq bermeımiz. Bul bılik ketýi kerek, elge ary taza, qoly taza, ótkeni taza jastar kelýi kerek" dep urandatady.