Almatydaǵy Balýan Sholaq atyndaǵy sport saraıynyń mańynda Demokratııalyq partııa bastamashyl toby men "Base" youtube arnasy uıymdastyrǵan mıtıng ótip jatyr. Sport saraıyna jaqyn jerlerde ınternet baılanysy joq, Abaı kóshesinde kólik qozǵalysy shektelgen.

Belsendiler buǵan deıin sport saraıy aldyna jınalyp, ary qaraı Respýblıka alańyna deıin júrip ótetinderin habarlaǵan. Oqıǵa ornynda júrgen Qamshy tilshisi polısııa men arnaıy jasaq narazy topty sport saraıynyń aldyna jibermeı, Abaı men Baıtursynov kósheleriniń qıylysynda "kettlıng" ádisimen qorshaýǵa alyp, ustap turǵanyn aıtady.

Alańǵa 30-dan astam belsendi jınalǵan. Al polısııa men arnaıy jasaq ókilderi belsendilerden birneshe esege kóp. Ýaqyt ótken saıyn, arnaıy jasaq sany artyp jatyr.

Qorshaýdaǵy belsendiler dybys ulǵaıtqyshpen "jer satylmasyn", "nesıe amnıstııasy jarııalansyn", "saıası tutqyndardy bosatylsyn" Nazarbaev, ket", "Eýroparlament qarary oryndalsyn" dep urandatyp jatyr.

Qamshy tilshisiniń habarlaýynsha, alańda azamattyq kıimdegi birneshe adam júr. Olardyń biri narazy topty taraýǵa shaqyrsa, keıbiri "Mamaı, qarabet, Mamaıǵa senbeńder" dep aıqaılap júr. О́zin "kópbalaly anamyn" dep tanystyrǵan belgisiz áıeldiń belsendilerdi taraýǵa úndegen" daýsy estiledi.

Oqı otyryńyzdar:

♦ "OMON-dar qabyrǵamdy syndyrdy". Mıtıngte belsendini jedel járdem alyp ketti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir