"OMON-dar qabyrǵamdy syndyrdy". Mıtıngte belsendini jedel járdem alyp ketti

Almatydaǵy Balýan Sholaq atyndaǵy sport saraıynyń mańynda ótip jatqan Demokratııalyq partııa bastamashyl toby men "Base" youtube arnasy uıymdastyrǵan mıtıng kezinde belsendi áıeldi jedel járdem alyp ketti.

Alańda qorshaýda turǵan belsendiler bir sátte arnaıy jasaqpen qaqtyǵysqa túsip, ásker belsendiler qorshaýyn tartylta tústi.

Osy sátte belsendi áıeldiń "OMON-dar qabyrǵamdy syndyrdy" dep aıqaılaǵan daýsy shyqty. Artynsha jedel járdem kóligi kelip, belsendini alyp ketti. Uzamaı taǵy bir áıel densaýlyǵyna shaǵymdanyp, qabyrǵasy aýyryp turǵanyn aıtty.

Sport saraıyna jaqyn jerlerde ınternet baılanysy joq, Abaı kóshesinde kólik qozǵalysy shektelgen.

Buǵan deıin alańǵa 30-dan astam belsendi jınalǵany, polısııa men arnaıy jasaq ókilderi belsendilerden birneshe esege kóp ekenin habarlanǵan.

Ýaqyt ótken saıyn, arnaıy jasaq sany artyp jatyr.

Qorshaýdaǵy belsendiler dybys ulǵaıtqyshpen "jer satylmasyn", "nesıe amnıstııasy jarııalansyn", "saıası tutqyndardy bosatylsyn" Nazarbaev, ket", "Eýroparlament qarary oryndalsyn" dep urandatyp jatyr.

Qamshy tilshisiniń habarlaýynsha, alańda azamattyq kıimdegi birneshe adam júr. Olardyń biri narazy topty taraýǵa shaqyrsa, keıbiri "Mamaı, qarabet, Mamaıǵa senbeńder" dep aıqaılap júr. О́zin "kópbalaly anamyn" dep tanystyrǵan belgisiz áıeldiń belsendilerdi taraýǵa úndegen" daýsy estiledi.