Almatynyń eriktileri qart adamdardyń qaryn kúrep berýdi bastady

Qalaǵa qalyń qar jaýdy, osyǵan oraı Almaty jastar resýrstary ortalyqtarynyń belsendileri men jas otandyqtar qart adamdar men kommýnaldyq qyzmetkerlerge kómektesý úshin qar tazalaý aksııasyna shyqty.

Almatyda 24 aqpan, saǵat 16.00-den bastap qar aralas jańbyr jaýdy, al 25 aqpanda túngi saǵat 01.00-den bastap qar jaýa bastady, aýa temperatýrasy - 10 gradýsqa deıin kúrt tómendedi. Saǵat 9.00-de qalada 20-30 sm, taýly jáne taý bókterindegi aýdandarda 30-40 sm qar jatty.

Almaty jastar resýrsy ortalyqtarynyń eriktileri qaraýshysy joq, jalǵyzbasty qarttardyń úıi mańaıyndaǵy jáne aýlalaryndaǵy qardy tazalaý aksııasyna shyqty. Qar tazalaý sharasyna 30-ǵa jýyq jas qalalyq  qatysty.

Budan ózge, Nur Otan partııasy Jas Otan jastar qanatynyń 200-den astam belsendisi men qalalyq eriktiler uıymy músheleri kommýnaldyq qyzmetkerlerge qalany qardan tazartý jumystaryna kómektesip, qoldaý kórsetti. Jas otandyqtar olarǵa ystyq sháı uıymdastyrdy.

Tańnan beri qalany qardan tazartý jumystaryna 1653 jol qyzmetkeri 653 tehnıka birligi, onyń ishinde 205 qumlaqtyrǵysh jumyldyryldy.