Ulybrıtanııa ıadrolyq soǵys kemeleri Ońtústik Qytaı teńizine kirdi. Qaqtyǵys bolý qaýpi joǵary–Brıtanııalyq áskerı maman

Birkken Koroldiktiń soǵys ushaqtaryn tasymaldaıtyn áskerı keme Ońtústik Qytaı teńizine kirdi. Londonda shyǵatyn The Telegraph gazeti aqparatyna sáıkes, bul aımaqtaǵy jaǵdaı ýshyǵyp turǵan kez.  "Oǵan qosa, 45 tıpti eki joıǵysh, 23 tıpti eki fregat soǵys kemesi, ıadrolyq súńgýir keme, Tide-klass tankeri jáne "RFA Fort Victoria" ákerı kemesi birge júredi" dep jazady basylym.

Jaqynda Qytaı "egemendigin qorǵaý úshin qajetti sharalardy" qoldanatynyn eskertti jáne aımaqqa kirgen sheteldik kemelerge qarý qoldanatyny týraly Beıjińniń zań qabyldap jatqany tóńireginde aqparat paıda boldy.

Koroldiktiń qorǵanys jáne qaýipsizdikti zertteýler ınstıtýtynyń birikken qyzmetter ortalyǵynyń  (RUSI) aǵa assıstenti Charlz Parton Telegraph basylymyna operasııa brıtanııalyq tasymaldaýshyǵa qaýip tóndirýi múmkin ekenin málimdedi.

–Ońtústik Qytaı teńizinde júzetin kemelerdiń sany kóbeıip jatyr, sondyqtan alda shıelenisti jaǵdaılardy kóremiz. Demek, qaqtyǵystyń paıda bolý qaýpi joǵary,–deıdi ol.