Foto: ashyq derekkóz
Úkimet pen ulttyq bank zeınetaqy júıesin odan ári damytý tujyrymdamasyn ázirlep jatyr. Bul týraly prezıdent Qasym-Jomart Toqaev jetinshi shaqyrylymdaǵy parlament májilisiniń birinshi sessııasynda aıtty.
– Ázirlenip jatqan áleýmettik kodeks osy mańyzdy salanyń ózekti máselelerine keshendi jaýap beredi. Áleýmettik ınfraqurylymnyń taǵy bir basty elementi – otandyq zeınetaqy júıesi. Ol ádil, turaqty, adamdardyń múddelerine saı bolýy kerek, – dedi ol.
Prezıdent parlamenttiń jańa múshelerinen áleýmettik saıasatty jetildirý jóninde belsendi jumys kútetinin atap aıtty.
– Biz óte mańyzdy reformany – zeınetaqy aktıvterin ishinara alý jáne paıdalaný múmkindigin iske qostyq. Sonymen qatar, azamattarǵa óz jınaqtaryn túrli quraldar arqyly basqarýǵa múmkindik berý qajet. Úkimet pen ulttyq bank zeınetaqy júıesin odan ári damytý tujyrymdamasyn ázirlep jatyr. Ony is júzinde iske asyrý sapaly zańnamalyq qamtamasyz etýdi talap etetini anyq. Jalpy parlamenttiń jańa múshelerinen áleýmettik saıasatty jetildirý jóninde belsendi jumys kútemin, – dedi Toqaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir