13 qańtar – M.Áýezov atyndaǵy Qazaq ulttyq akademııalyq drama teatrynyń qurylǵan kúni. Bıyl qara shańyraqqa 95 jyl tolyp otyr. Keshe prezıdent jarlyǵymen "Ulttyq" mártebe berilýi jáne teatrdyń  95 jyldyǵyna arnalǵan baspasóz konferensııasy ótti.

Konferensııaǵa QR Mádenıet jáne sport mınıstri Aqtoty Raıymqulova, sondaı-aq, "Ulttyq" mártebesin ıelengen M.Áýezov atyndaǵy Qazaq Ulttyq drama teatrynyń kórkemdik jetekshisi, QSRO Halyq artısi – A.Áshimov; M.Áýezov atyndaǵy Qazaq Ulttyq drama teatrynyń dırektory, Qazaqstannyń eńbek sińirgen qaıratkeri – E.Jýasbek; Abaı atyndaǵy Qazaq Ulttyq opera jáne balet teatrynyń dırektory, Qazaqstannyń eńbek sińirgen qaıratkeri – A.Kalıeva; M.Iý.Lermontov atyndaǵy Ulttyq orys drama teatrynyń dırektory – A.Iаkýshev; Qurmanǵazy atyndaǵy Ulttyq halyq aspaptar orkestriniń dırektory – M.Qýanyshev; QR Ulttyq kitaphanasynyń dırektory – B.Ospanova qatysty.

Teatrdyń baspasóz qyzmeti

BAQ ókilderine arnalǵan baspasóz konferensııasynan keıin Mádenıet jáne sport mınıstri Muhtar Áýezov atyndaǵy Qazaq Ulttyq akademııalyq drama teatrynyń ókilderin "Mádenıet salasynyń úzdigi" tósbelgisimen marapattap, mádenıet jáne sport mınıstrliginiń gramotalary men alǵys hattaryn tabys etti.

О́tken 2020 jyly biz birqatar mańyzdy mindetterdi abyroımen oryndadyq. Máselen, memleket basshysynyń joldaýyn iske asyrý aıasynda 1 qańtardan bastap mádenıet jáne arhıvter uıymdary qyzmetkerleriniń jalaqysy respýblıkalyq deńgeıde 50 paıyzǵa, óńirlerde 35 paıyzǵa deıin ósti. Jalpy respýblıka boıynsha mundaı ósim shamamen 34 myń adamdy qurady. Bul baǵyttaǵy jumystar jalǵasatyn bolady, – dedi mınıstr mádenıet salasyndaǵy 2020 jylǵy jetistikterge túsinikteme bere otyryp.

Máselen, 2020 jylǵy 1 qańtardan bastap mádenıet jáne sport salasyndaǵy mamandandyrylǵan mektepter men kolledj qyzmetkerleriniń jalaqysy 2023 jylǵa deıin jyl saıyn 25 paıyzǵa artady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir